އިންޖިނިއަރިން ސައިންސް އެންޑް ޓެކްނޮލޮޖީ އެސޯސިއޭޝަން (އެސްޓާ)ގެ 2020ވަނަ އަހަރުގެ ހިންގާ ކޮމިޓީގެ މެންބަރުން ޢައްޔަނުކޮށްފިއެވެ.
2020ވަނަ އަހަރުގެ އެސްޓާގެ ރައީސްގެ މަޤާމަށް އިސްވީ 2019ވަނަ އަހަރު އެސްޓާގެ ނައިބު ރައީސް (ޢިލްމީ)ގެ މަޤާމު ފުރާފައިވާ މަރިޔަމް ހުވައިނާ ޙަސަންއެވެ. ހުވައިނާއަކީ ފެކަލްޓީ އޮފް އިންޖިނިއަރިންގ ސައިންސް އެންޑް ޓެކްނޮލޮޖީގައި ބެޗެލަރސް އޮފް އާކިޓެކްޗަރ ކިޔަވަމުންދާ ދަރިވަރެކެވެ. އަދި އެމް.އެން.ޔޫ ސްޓޫޑަންޓް ޔޫނިއަންގެ ފަރާތުން ޔޫތް ލީޑާރސް ނެޓްވޯކްގައި އިވެންޓް މެނޭޖަރެއްގެ ގޮތުގައި ބައިވެރިވުމުގެ އިތުރުން ސްޓޫޑަންޓް ޔޫނިއަންއާއި އެސްޓާގެ ޙަރަކާތްތަކުގައި 2018އިން ފެށިގެން އިސްކޮށް ޙަރަކާތްތެރިވަމުން އަންނަ ދަރިވަރެކެވެ.
އެސްޓާގެ ނައިބު ރައީސް (ޢިލްމީ)ގެ މަޤާމަށް އިސްވީ 2019ވަނަ އަހަރު މީޑިއާ ކޯޑިނޭޓަރުގެ މަޤާމު ފުރާފައިވާ އީމާން އަޙްމަދެވެ. އީމާން އަޙްމަދަކީ ބެޗެލަރސް އޮފް އިންފޮރމޭޝަން ޓެކްނޮލޮޖީ ކިޔަވަމުންދާ ދަރިވަރެކެވެ. ތ. ކިނބިދޫއަށް ނިސްބަތްވާ އީމާން އަޙްމަދު މަސައްކުރަމުންދަނީ ނެޝަނަލް ސެންޓަރ ފޮރ ދަ ހޮލީ ޤުރުއާންގައެވެ. އީމާންއަކީ ޕްލެޓްފޯރމް ފޯރ އިންޖެނުއިޓީ އެންޑް އެންލައިޓްމަންޓްގެ ފައުންޑަރ މެންބަރެއްގެ އިތުރުން މިނިސްޓްރީ އޮފް އިސްލާމިކް އެފެއާރސްގެ ރެކްރިއޭޝަން ކްލަބް މެންބަރެކެވެ.
އެސްޓާގެ ނައިބު ރައީސް (ޢަމަލީ)ގެ މަޤާމަށް އިސްކުރެވުނީ ބެޗެލަރސް އޮފް ސައިން (ފިޒިކްސް) ކިޔަވަމުންދާ ދަރިވަރު، އަޙްމަދު އަޙްސަނެވެ. އަޙްމަދު އަޙްސަނަކީ 2017ވަނަ އަހަރު ސެންޓަރ ފޮރ ފައުންޑޭޝަން ސްޓަޑީޒް، ތަރަހައިގެ ރައީސްގެ މަޤާމު ފުރާފައިވާ ދަރިވަރެކެވެ. އަޙުސަންއަކީ ކުޅިވަރު ޙަރަކާތްކަތަކަށް ދަރިވަރުން ނެރުމުގައި އިސްދައުރެއް އަދާކުރަމުން އަންނަ ފަރާތެކެވެ.
2020ވަނަ އަހަރުގެ އެސްޓާގެ ސެކްރެޓަރީގެ މަޤާމަށް އިސްވީ ކުރީ ދެއަހަރުވެސް ސެކްރެޓާރީގެ މަޢާމު ޢަދާކޮށްފައިވާ އާމިނަތު ޝަޒްރާއެވެ. ބެޗެލަރ އޮފް އިންފޮމޭޝަން ޓެކްނޮލޮޖީ ކިޔަވަމުންދާ ޝަޒްރާއަކީ ނޫސްވެރިކަން، ބޮލްގް ކުރުން އަދި ވެބް ޑިޒައިން ކުރުމަށް ޝައުޤުވެރިކަން ހުންނަ ދަރިވަރެކެވެ.
މިއަހަރުގެ އެސްޓާގެ ހަޒާންދާރުގެ މަޤާމަށް ހޮވުނީ ބެޗެލަރ އޮފް އާކިޓެކްޗަރ އަށް ކިޔަވަމުންދާ ދަރިވަރު ޙަސަން ޒަމީރެވެ. ހދ. ވައިކަރަދޫއަށް ނިސްބަތްވާ ޙަސަން ޒަމީރަކީ 2018 އިން 2019އަށް މޯލްޑިވްސް ޕޮލިޓެކްނިކްގެ ސްޓޫޑަންޓް އެސޯސިއޭޝަންގެ ރައީސްގެ މަޤާމު އަދާކޮށްފައިވާ ފަރާތެކެވެ. އަދި ބްލަޑް ޑޮނޭޝަން ކޮމިއުނިޓީ، ޓީމް ރެޑްގެ ފައުންޑަރެކެވ
2020ވަނަ އަހަރުގެ އެސްޓާގެ މީޑިއާ ކޯޑިނޭޓަރުގެ މަޤާމަށް އިސްވީ ބެޗެލަރ އޮފް ސައިންސް (ފިޒިކްސް) ކިޔަވަމުންދާ ދަރިވަރު އައިމިނަތު ޝީޒާ އެވެ. ނެޝަނަލް ބިއުރޯ އޮފް ސްޓެޓިސްޓިކްގައި އެސިސްޓެންޓް ސްޓެޓިސްޓިކަލް އޮފިސަރެއްގެ މަޤާމު އަދާކޮށްފައިވާ ޝީޒާއަކީ ސައިންސްއާއި ލިޔުންތެރިކަމަށް ޚާއްސަ ޝާއުޤުވެރިކަމެއް ހުންނަ ދަރިވަރެކެވެ.
އިންޖިނިއަރިން ސައިންސް އެންޑް ޓެކްނޮލޮޖީ އެސޯސިއޭޝަން (އެސްޓާ)އަކީ އެމް.އެން.ޔޫ ސްޓޫޑަންޓް ޔޫނިއަންގެ ދަށުން ފެކަލްޓީ އޮފް އިންޖިނިއަރިންގ ސައިންސް އެންޑް ޓެކްނޮލޮޖީ (ފެސްޓް)ގެ ދަރިވަރުންނަށް ޚާއްސަކޮށްގެން 2017ވަނަ އަހަރު އުފައްދާފައިވާ ގޮތްޕެކެވެ. މިއަހަރުގެ އެސްޓާގެ ހިންގާ ކޮމިޓީއަށް އިސްވި ދަރިވަރުންގެ އަމާޒަކީ ފެކަލްޓީ އޮފް އިންޖިނިއަރިންގ ސައިންސް އެންޑް ޓެކްނޮލޮޖީ ކުރިއެރުވުމާއި، ދަރިވަރުންގެ ގުޅުން ވަރުގަދަކޮށް، ފެކަލްޓީގެ ދަރިވަރުންނަކީ މުޖުތަމަޢުގައި އިސްވާރުންގެ ގޮތުގައި ޙަރަކާތްތެރިވާ ބަޔަކަށް ހެދުމަށްޓަކައި އިތުރު ޙަރަކާތަށް ރާވައި އިންތިޒާމުކުރުމެވެ.
އައިމިނަތު ޝީޒާ
މީޑިއާ ކޯޑިނޭޓަރ
އިންޖިނިއަރިންގ ސައިންސް އެންޑް ޓެކްނޮލޮޖީ އެސޯސިއޭޝަން (އެސްޓާ)
