އެސްޓާގެ ވޮލީ ޓީމަށް ޑރ. ޝަޒްލާ މުޙައްމަދު ޖާރޒީ ހަވާލުކޮށްދެއްވައިފި

އެސްޓާގެ ވޮލީ ޓީމުތަކަށް ޖާރޒީ ހަވާލުކުރުމުގެ ރަސްމިއްޔާތު ބާއްވައިފިއެވެ. މި ރަސްމިއްޔާތު ޝަރަފުވެރިކޮށްދެއްވީ ފެކަލްޓީ އޮފް އިންޖިނިއަރިން ސައިންސް އެންޑް ޓެކްނޮލޮޖީގެ ޑީން ޑރ. ޝަޒްލާ މުޙައްމަދެވެ.

      މިއަހަރުގެ މުބާރާތަށް އެސްޓާގެ ފަރާތުން އަންހެން ވޮލީ ޓީމަކާއި ފިރިހެން ވޮލީ ޓީމެއް ނެރެއެވެ. ފިރިހެން ޓީމުގައި 12 ކުޅުންތެރިން ބައިވެރިވާއިރު، އަންހެން ޓީމުގައި ހިމެނެނީ 9 ކުޅުންތެރިންނެވެ. ދެޓީމުގެވެސް ޖާރޒީގެ ކުލައަކީ ނޫކުލައެވެ.

އަންހެން ޓީމުގެ މިފަހަރުގެ އުއްމީދަކީ މިދިޔަ އަހަރަށްވުރެ ރަނގަޅު ނަތީޖާއެއް ނެރުމެވެ. ފިރިހެން ޓީމު ނުކުންނަނީ ރަން މެޑަލް ހޯދުމަށް ތައްޔާރުވެގެންނެވެ. އެސްޓާގެ ފަރާތުން ފިރިހެން ވޮލީ ޓީމު ނެރެން ފަށާފައިވަނީ 2017ވަނަ އަހަރެވެ. އަންހެން ޓީމު އަލަށް މުބާރާތުގައި ބައިވެރިވީ 2018ވަނަ އަހަރެވެ. މިއަހަރުގެ މުބާރާތުގައި އެސްޓާ ޓީމަށް ސްޕޮންސަރެއް ވަނީ ހަމަޖެހިފައެވެ.

ލިޔުނީ: އައިމިނަތު ޝީޒާ
މީޑިއާ ކޯޑިނޭޓަރ
އިންޖިނިއަރިންގ ސައިންސް އެންޑް ޓެކްނޮލޮޖީ އެސޯސިއޭޝަން (އެސްޓާ)