29 ފެބްރުއަރީ 2020ވީ ހޮނިހިރު ދުވަހުގެރޭ އެސްޓާއިން އިންތިޒާމުކޮށްގެން މޫވީ ނައިޓެއް ވަނީ ބާއްވާފައެވެ. މި މޫވީ ނައިޓަށް ބައިވެރިންގެ ފަރާތުން ބޮޑު ތަރުޙީބެއް ވަނީ ލިބިފައެވެ.
މޫވީ ނައިޓް ކުރިއަށް ދިޔައީ ބިޒްނަސް ސްކޫލްގެ އޮޑިޓޯރިއަމްގައެވެ. ފިލްމުގެ އިތުރުން ލުއި ކެއުންތަށްވެސް ބައިވެރިންނަށް ހަމަޖައްސާފައިވެއެވެ. މިއީ އެސްޓާއިން ވޮލީ މުބާރާތަށް ފަންޑް ހޯދުމުގެ ގޮތުން ރޭވި ޙަރަކާތެކެވެ.
މޫވީ ނައިޓްގައި ޖުމްލަ 100އެއްހާ ކުދިން ބައިވެރިވެފައިވާއިރު، މި ޙަރަކާތް އިންތިޒާމުކުރުމުގެ އެއް މަޤްޞަދަކީ ޔުނިވަރސިޓީ ކުދިންގެ މެދުގައި ގުޅުން ބަދަހިކުރުމެވެ. ކުރިއަށް އޮތްތަނުގައިވެސް މިފަދަ އިތުރު ޙަރަކާތްތަށް ކުރިއަށް ގެންދިއުމަށް އެސްޓާއިން ރާވާފައިވެއެވެ.
ލިޔުނީ: އައިމިނަތު ޝީޒާ
މީޑިއާ ކޯޑިނޭޓަރ
އިންޖިނިއަރިންގ ސައިންސް އެންޑް ޓެކްނޮލޮޖީ އެސޯސިއޭޝަން (އެސްޓާ)
