އެމް.އެން.ޔޫ.އެސް.ޔޫ އިންޓަރ ފެކަލްޓީ ވޮލީބޯޅަ މުބާރާތުގައި ބައިވެރިވެފައިވާ ފެސްޓުގެ ފިރިހެން ޑިވިޝަނަށް ޖާޒީ ހަވާލު ކުރުމުގެ ހަފްލާ 20 ސެޕްޓެންބަރު 2021 ވީ ހޯމަ ދުވަހު ފެސްޓުގައި ބާއްވައި ފިއެވެ. މި ހަފްލާގެ ޝަރަފުވެރި މެހުމާން، ފެސްޓުގެ ޑީން ޑޮކްޓަރ ޝަޒްލާ މުހައްމަދާއި، ސްޕޯރޓްސް ލެބްގެ ހަސަން ޝާމް ވަނީ ޓީމްގެ ކުޅުންތެރިންނަށާއި އޮފިޝަލުންނަށް ޖާޒީ ހަވާލުކޮށްފައެވެ. ޖާޒީގެ ސްޕޮންސަރ ދެއްވާފައި ވަނީ ސްޕޯރޓްސް ލެބްއިންނެވެ.
އިންޓަރ ފެކަލްޓީ ވޮލީބޯޅަ މުބާރާތުން މީގެ ކުރިންވެސް ފެސްޓުގެ ފިރިހެން ޓީމު ކާމިޔާބީތަކެއް ހާސިލުކޮށްފައި ވާކަން ފާހަގަ ކޮށްލަމެވެ. މިގޮތުން 2020 ވަނަ އަހަރު ސެމީ ފައިނަލަށް ދަތުރުކޮށް، 2019 ވަނަ އަހަރު ވަނީ ރަނަރަޕްކަން ވެސް ހާސިލުކޮށްފައެވެ.
އެމް.އެން.ޔޫ.އެސް.ޔޫ އިންޓަރ ފެކަލްޓީ ވޮލީބޯޅަ ޓޯނަމެންޓު ފެށުމަށް ހަމަޖެހިފައިވަނީ މިހަފުތާގެ ބުރާސްފަތި (23 ސެޕްޓެމްބަރ 2021) ދުވަހެވެ. ފެށުމުގެ ރަސްމިއްޔާތަށްފަހު ކުޅޭ ފުރަތަމަ މެޗުގައި ވާދަކުރާނީ އެމް.އެން.ޔޫ.ބީ.އެސް ޓީމާއި ފެސްޓުގެ ޓީމެވެ.
