2022ވަނަ އަހަރުގެ ދެވަނަ ޓާރމުގައި ފެސްޓާ އަލަށް ގުޅުނު ދަރިވަރުންނަށް އޮރިއެންޓޭޝަން ބާއްވައިފި

2022ވަނަ އަހަރުގެ ދެވަނަ ޓާރމުގައި ފެކަލްޓީ އޮފް އެންޖިނިއަރިން ސައިންސް އެންޑް ޓެކްނޮލޮޖީ(ފެސްޓް)އާ އަލަށް ގުޅުނު ދަރިވަރުންނަށް އޮރިއެންޓޭޝަން ބާއްވައިފިއެވެ.

11 އޮގަސްޓު 2022 ވީ ބުރާސްފަތި ދުވަހުގެ ހެނދުނު އެމް.އެން.ޔޫ. ބިޒްނަސް ސްކޫލުގެ އޮޑިޓޯރިއަމްގައި ބޭއްވި އޮރިއަންޓޭޝަނުގައި ފެސްޓްގެ ޑީން އަލްފާޟިލް އާދަމް ޚާލިދު ވަނީ ދަރިވަރުންނަށް މަރުހަބާ ވިދާޅުވެ، ނަސޭހަތާއި ހިތްވަރު ދެއްވާފައެވެ. ހަމައެހެންމެ ލެކްޗަރާއިންނާއި، ފެސްޓުގެ މުވައްޒަފުންނާއި ޤައުމީ ޔުނިވާރސިޓީގެ ދަރިވަރުންގެ ޔޫނިއަންގެ ފެސްޓުގެ ގޮފި، އެންޖިނިއަރިން ސައިންސް އެންޑް ޓެކްނޮލޮޖީ އެސޯސިއޭޝަން (އެސްޓާ)ގެ ހިންގާ ކޮމިޓީއިން ދަރިވަރުންނަށް މަރުހަބާ ކިޔުމުގައި ބައިވެރިވެފައެވެ.

މި އޮރިއަންޓޭޝަނުގައި އަލަށް ގުޅުނު ދަރިވަރުންނަށް ވަނީ އެމް.އެން.ޔޫ.އާއި، ފެސްޓާއި، ފެކަލްޓީގެ ހިންގުމާއި، ކޯސްތަކާ ބެހޭ މުހިންމު މައުލޫމާތުތަކެއް ފޯރުކޮށްދީފައެވެ. އަދި ޤައުމީ ޔުނިވާރސިޓީގެ ވެބްސައިޓުގައި ހިމެނޭ މުހިންމު ބައިތައްވަނީ ދަރިވަރުންނާ ހިއްސާކޮށްފައެވެ.

މީގެ އިތުރުން އެސްޓާގެ ތަޢާރަފެއް ދިނުމާއެކު އިސްވެދިޔަ ޓާރމުގައި އެސްޓާގެ ފަރާތުން ހިންގި ޙަރަކާތްތަކަށް އަލި އަޅުވާލެވިގެންދިޔައެވެ. އަދި ފެސްޓުގެ ލީޑާރސްގްރޫޕާ ގުޅުމުގެ ފުރުސަތުވެސް ވަނީ ދަރިވަރުންނަށް ހުޅުވާލައި، އެސްޓާގެ ފަރާތުން ދަރިވަރުންނަށް ބޭއްވުމަށް ތައްޔާރުވަމުންދާ ގިއާރ ނައިޓަށް އައުމަށް ދަރިވަރުންނަށް ދަޢުވަރު ދެވިފައިވެއެވެ.

މި އޮރިއެންޓޭޝަން ނިންމާލާފައިވަނީ ދަރިވަރުންނަށް އެދަރިވަރަކު ކިޔަވާ ކޯހުގެ ކޯސް ކޯޑިނޭޓަރާ ބައްދަލުކޮށް ކޯހާބެހޭ މަޢުލޫމާތު ދިނުމަށް ފަހުގައެވެ.

އެސްޓާ ގޮފީގެ ފަރާތުން ދަރިވަރުންނަށް ހިންގޭ އެކި ޙަރަކާތްތަކުގައި ފެސްޓުގެ ޑީން އަލްފާޟިލް އާދަމް ޚާލިދާއި، އިސްކޮށް ހަރަކާތްތެރިވާ މުވައްޒަފުންނާއި، އެހެނިހެން ހުރިހާ މުވައްޒަފުންގެ ފުރިހަމަ އެއްބާރުލުން ފާހަގަކޮށް، އެސްޓާގެ ފަރާތުން އިންތިހާއަށް ޝުކުރު ދަންނަވަމެވެ.