2022 ވަނަ އަހަރުގެ ދެވަނަ ޓަރމަށް ފެކަލްޓީ އޮފް އެންޖިނިއަރިންގ ސައިންސް އެންޑް ޓެކްނޮލޮޖީ (ފެސްޓު)އާ އަލަށް ގުޅުނު ދަރިވަރުންނަށް މަރުހަބާ ކިއުމަށް ފެސްޓުގެ ޔޫނިއަންގެ ގޮފި އެންޖިނިއަރިންގ ސައިންސް އެންޑް ޓެކްނޮލޮޖީ އެސޯސިއޭޝަން (އެސްޓާ)އިން ގިއަރ ނައިޓް ބާއްވައިފިއެވެ.
20 އޮގަސްޓް 2022 ވީ ހޮނިހިރު ދުވަހުގެ ރޭ ފެސްޓުގެ ބިލްޑިންގ ގައި ކުރިޔަށްދިޔަ މި ހަރަކާތުގައި ފެސްޓުގެ އެކި ކޯސްތަކާ އަލަށް ގުޅުނު ދަރިވަރުންވަނީ ބައިވެރިވެފައެވެ. އަދި މިދަރިވަރުންނަށް އަމާޒުކޮށްގެން ތަފާތު ކުޅިވަރުތައް ވަނީ ކުރިޔަށްގެންގޮސްފައެވެ. މިގޮތުން ބުރަކަށި ކުރަހާގޭމާއި ޓްރެޝާ ހަންޓްފަދަ އެކުވެރިކަން އާލާކުރާގޭމުތައް ކުރިއަށް ގެންގޮސްފައިވެއެވެ.
ގިއަރ ނައިޓް ނިންމާލާފައިވަނީ އަލަށް ގުޅުނު ދަރިވަރުންގެ މެދުގައި ހޮވުނު ގުރުއަތަކުންނެވެ. މިގުރުއަތުން ހޮވުނު ދަރިވަރަށް ވެލާރިސް ޓޭސްޓް ކެފޭގެ ލަންޗް ބުފެއިން ދެމިހަކަށް ހިލޭ ކެއުމަށް ވައުޗަރެއް އިނާމެއްގެ ގޮތުގައިދެވުނެވެ.
ގިނަ އަހަރުތަކެއްގެ މެދުކެނޑުމަކަށްފަހު އަލުން އެސްޓާ ގިއަރ ނައިޓް އިފްތިތާހު ކުރެވި، ކާމިޔާބުކަމާއިއެކު ކުރިއަށް ގެންދިއުމުގައި ގޮފީގެ އިސްވާރުންނާއި، ފެކަލްޓީއާއި، އެމް.އެން.ޔޫ.އެސް.ޔޫ އިން ދެއްވި އެހީތެރިކަމަށް ގޮފީގެ ހިންގާ ކޮމެޓީގެ ފަރާތުން ޝުކުރު ދަންނަވަމެވެ.
