ފެކަލްޓީ އޮފް އިންޖިނިއަރިންގ، ސައިންސް އެންޑް ޓެކްނޮލޮޖީގެ ގޮފި އެސްޓާ އަދި އެޑްވެންޗަރ ގްލައިޑްސް ގުޅިގެން ބާއްވާ ގޭމްނައިޓް މިރޭ ފެށުމަށް ހަމަޖެހިއްޖެއެވެ.
މި ގޭމް ނައިޓް ފެށުމަށް ހަމަޖެހިފައިވަނީ މިރޭ 9:15 ގައި މެންހަޓަންގެ ބެންކުއެޓް ހޯލްގައެވެ.
މި ގޭމްނައިޓްއަކީ ރޯދަމަހު އެކިއެކި ފެކަލްޓީތަކުގެ ދަރިވަރުންގެ ގުޅުން ބަދަހިކުރުމުގެ ގޮތުން ބައްވާ ހާއްސަ ގޭމްނައިޓެކެވެ. މި ގޭމް ނައިޓްގައި ކުޅެވިގެންދާ ގޭމްތަކުގެ ސަބަބުން ދަރިވަރުންގެ ކްރިޓިކަލް ތިންކިންގ އަދި ޓީމް ވޯކް ހަރުދަނާވެގެންދާނެއެވެ.
މި ހަރަކާތުގައި އެކިއެކި ތަފާތު ބޯޑް ގޭމްސް އަދި ޓީމް ބިލްޑިންގ ގޭމްސް ކުޅެވިގެން ދާނެއެވެ. މި އިވެންޓުގައި ބައިވެރިވުމަށް އެމްއެންޔޫގެ ދަރިވަރުންނާއި ހުރިހާއި ފެކަލްޓީތަކަކަށް ވަނީ ހުޅުވާލާފައެވެ.
އެސްޓާގެ މަގްސަދަކީ ދަރިވަރުންނާ ގުޅިގެން މިފަދަ ގިނަ ހަރަކާތްތަކެއް މި އަހަރު ކުރިއަށް ގެންދިއުމެވެ.
