ގުރުޒުގެ ފުރަތަމަ މޫވީ ނައިޓް ކާމިޔާބުކަމާއެކު ނިންމާލައިފި އެވެ.
2023 މާރިޗު 18 ވަނަ ދުވަހު ކުޅުދުއްފުށީ ކެމްޕަސް ހޯލްގައި ބޭއްވުނު މި މޫވީ ނައިޓަކީ ކެމްޕަސްގެ ހުރިހާ ދަރިވަރުންނަށް ހުޅުވާލައިގެން ބޭއްވުނު އިވެންޓް އެކެވެ. އަދި މި އިވެންޓްގައި ގުރުޒުގެ ހިންގާކޮމެޓީގެ މެމްބަރުން ވަނީ އިސްވެ ހަރަކާތްތެރި ވެފައެވެ.
މިއަހަރުގެ ފުރަތަމަ މޫވީ ނައިޓްގައި އަޅުވާފައި ވަނީ ”ލަލަރޯނާ“ އެވެ. އަދި މޫވީ ނައިޓަށް ޚާއްސަ ކޮށްގެން ގުރުޒުގެ އިސްވާރުން ގުޅިގެން ދަރިވަރުންނަށް ”ފުޑް ސްޓޯލް“ އެއް ވެސް ވަނީ ކުރިޔަށް ގެންގޮސްފައެވެ.
ފުރަތަމަ ޓާރމްގައި ބޭއްވުނު މި މޫވީ ނައިޓަށް ގިނަ ދަރިވަރުންތަކެއްގެ ފަރާތުން ސަޕޯޓް ލިބުންކަން ފާހަގަކުރެވެއެވެ. އަދި ކުރިޔަށް އޮތްތާގައިވެސް ގުރުޒުގެ ފަރާތުން ގިނަ އިވެންޓްތަކެއް ބޭއްވުމަށް ވަނީ ރޭވިފައެވެ.
