ގުރުޒުއިން އިސްނަގައިގެން ކުޅުދުއްފުށި ކެންޕަހުގައި ކިޔަވާ ދަރިވަރުންނަށް ތަރާވީހެއް ބައްވާއިފިއެވެ.
މި ހަރަކާތަށް ބޭއްވުމަށް ގުރުޒުގެ ހިންގާ ކޮމެޓީއާއި ދަރިވަރުންނާއެކު ބޭއްވުނު ބައްދަލުވުމުގައި ވަނީ މި ހަރަކާތާއެކު އާތު އަވަރ ފާހަގަކުރުމަށްވެސް ރޭވިފައެވެ.
އެގޮތުން މިހަރަކާތައް އެކި ދަރިވަރުން ތަފާތު ހެދިކާ ތައްޔާރު ކުރިއިރު، އާތު އަވަރ ފާހަގަކުރުމަށް ކަރަންޓް ބޭނުންނުކޮށް، އުއްބައްތި އަލިން ކެމްޕަސްގެ ގޯތި ތެރެވަނީ ދިއްލާލާފައެވެ. ގުރުޒުގެ ހިންގާ ކޮމެޓީގެ މެމްބަރުންނާއި ގިނަ ދަރިވަރުންތަކެއް ގުޅިގެން ކުރިއަށް ގެންދެވުނު މިހަރަކާތަކީ ވަރަށް ކާމިޔާބު ހަރަކާތެއްކަން ފާހަގަކޮށްލެވެއެވެ.
ހަމައެޔާއެކު މި އިވެންޓް އަށް ހާއްސަ ތީމްއެއްގެ ގޮތުގައި ’ އަރެބިޔަން ތީމް‘ ކަނޑައެޅިފައިވާއިރު، މި ތީމްއައްވެސް ކުދިންގެ ފަރާތުން އެކިކަހަލަ ކޮސްޓިޔުމް ފެނިފައިވެއެވެ. މިހަރަކާތުގައި ކެމްޕަހުގެ މެނޭޖްމެންޓް ބޭފުޅުންނާއި، މުއައްޒަފުންގެ އިތުރުން ގިނަ ދަރިވަރުންވަނީ ބައިވެރިވެފައެވެ.
މި ހަރަކާތް ބާއްވާފައި ވަނީ 23 މާރޗް ވީ ހޮނިހިރު ދުވަހުގެ ރޭ ކުޅުދުއްފުށި ކެމްޕަހުގައެވެ. މި ތަރާވީސް ކުރިއަށް ގެންދިޔުމުގެ މައިގަނޑު މަގުސަދަކީ ކުދިންގެ މެދުގައި އެއްބައިވަންތަކަން ދިރުވައި ، އެކުވެރިކަން އާލާކުރުމެވެ.
ގުރުޒުން އަންނަނީ މިއަހަރުތެރޭ މިފަދަ ގިނަ ހަރަކާތްތައް އިންތިޒާމު ކުރަމުންނެވެ.
