ގުރުޒުގެ މިއަހަރުގެ ފުރަތަމަ ”މޫވީ ނައިޓް“ 30 މެއި 2025 ވަނަ ދުވަހުގެ ރޭ ބާއްވައިފިއެވެ. މި ޙަރަކާތް ކުރިއަށްގެންދެވުނީ ދިވެހިރާއްޖޭގެ ޤައުމީ ޔުނިވަރސިޓީގެ ކުޅުދުއްފުށި ކެމްޕަހުގެ ހޯލުގައެވެ. މި ކެމްޕަހުގައި އުނގެނޭ ކޮންމެ ދަރިވަރަކަށް ކެމްޕަހުން ބޭރު 2 ފަރާތެއް ގެނައުމުގެ ފުރުޞަތު ހުޅުވާލުމަށްފަހު ޓިކެޓު ގަނެގެން ވަދެވޭނެހެން މި ހަރަކާތް އިންތިޒާމް ކުރެވިފައި ވިއެވެ.
ގިނަ ދަރިވަރުންގެ އެދުމުގެ މަތިން މިފަހަރު އެޅުވުނީ ބިރުވެރި ފިލްމެކެވެ. އެގޮތުން “ ދަ ތާޑް އައި“ ވެގެން ދިޔައީ ބެލުންތެރިންގެ ކިބައިން ހީބިހި ހަލުވާލި ފިލްމަކަށެވެ.
ގުރުޒުގެ ފަރާތުން ފަންޑްރެއިޒް ކުރުމުގެ ގޮތުން ތަފާތު ލުއިކާނާވެސް ”މޫވީ ނައިޓް“ގައި ވިއްކިއެވެ. އެގޮތުން މޮހިތޯ އާއި ޕޮޕްކޯންއަކީ ދަރިވަރުންގެ ސަމާލުކަން އެންމެ ބޮޑަށް އަމާޒުވި ދެ ބާވަތްކަމަށް ގުރުޒުއިން ފާހަގަކުރިއެވެ.
ޖުމުލަ 40 އަށްވުރެ ގިނަ ޓިކެޓު ވިއްކައިގެން ކުރިއަށް ގެންދިޔަ މި ހަރަކާތަށް ދަރިވަރުންގެ އެއްބާރުލުން ވަރަށް ބޮޑަށް ލިބުނުކަން އުފަލާއެކު ގުރުޒުން ހާމަކުރިއެވެ.
