1446 ވަނަ އަހަރުގެ އަޟްޙާ ޢީދުގެ މުނާސަބަތުގައި ގުރުޒުއިން އިސްނަގައިގެން ފޮޓޯ ޗެލެންޖެއް ބާއްވައިފިއެވެ. މިހަރަކާތަކީ ދިވެހިރާއްޖޭގެ ޤައުމީ ޔުނިވަރސިޓީ (އެމްއެންޔޫ) ގެ ހުރިހާ ދަރިވަރުންނަށް ހުޅުވާލައިގެން ކުރިއަށް ގެންދިޔަ ހަރަކާތެކެވެ.
މި ހަރަކާތުގެ މަޤުސަދަކީ ޢީދުގެ އުފާވެރި ހަރަކާތްތަކާއި ދިވެހިރާއްޖޭގެ ޘަޤާފަތް ދަރިވަރުންގެ ފޮޓޯނެގުމުގެ ހުނަރުން ދައްކާލުމެވެ. އެގޮތުން ދިވެހިރާއްޖޭގެ އެކި ކަންކޮޅުތަކުގައި ޢީދު ފާހަގަކުރުމުގެ ގޮތުން ކުރިއަށް ގެންދެވުނު ހަރަކާތްތަކުގެ ފޮޓޯތަކުން ދަރިވަރުންގެ ހުނަރު ނުހަނު ފުރިހަމަގޮތެއްގައި ފެނިގެންދިޔައެވެ.
މި ހަރަކާތަކީ އެންމެ މޮޅު ތިން ދަރިވަރުން ހޮވާ ފައިސާގެ އިނާމުދޭ ގޮތަށް ކުރިއަށް ގެންދެވުނު ހަރަކާތެކެވެ. އެގޮތުން މި ފޮޓޯ ޗެލެންޖްގެ އެއްވަނައަށް އައިސްފައިވަނީ ފެކަލްޓީ އޮފް އިންޖީނިއަރިންގ އެންޑް ސައިންސްގެ ދަރިވަރު އާދަމް ސަމްވީލް މުހައްމަދެވެ. ދެވަނައަށް ސްކޫލް އޮފް ނާސިންގެ ދަރިވަރު ޢާއިޝަތު އިބާނާ އިބްރާހީމް އައިސްފާވާއިރު ތިންވަނައަށް އައިސްފައިވަނީ ސްކޫލް އޮފް ނާސިންގެ ދަރިވަރު އަލިޝްބާ އިބްރާހީމްއެވެ.
