މިއަހަރުގެ ސިއްޙަތު ދުވަސް ކަމުގައިވާ 7 އޭޕްރިލް 2018 ވީ ހޮނިހިރު ދުވަހު ފެކަލްޓީ އޮފް ހެލްތު ސައިންސަސް އާއި ހީލާސް އިން އިންތިޒާމް ކޮށްގެން ބޭއްވި ހެލްތު ވޯކު ވަރަށް ކާމިޔާބު ކޮށް ނިންމާލައިފި އެވެ.
ގައުމީ ޔުނިވާސިޓީގެ ހުރިހާ ފެކަލްޓީތަކަށް ދިން ދައުވަތު ގަބޫލުކޮށް ގިނަ އަދަދެއްގެ ދަރިވެރުންނާއި ލެކްޗަރާރ އިން މި ހިނގާލުމުގައި ބައިވެރިވިއެވެ. އަދި މީގެ އިތުރުން ސޮސައިޓީ އޮފް ހެލްތު އެޑިޔުކޭޝަން (ޝީ) އިންވެސް ވަނީ މި ހިނގާލުމުގައި ބައިވެރި ވެފައި އެވެ.
މި ހިނގާލުން އޮތީ ފެކަލްޓީ އޮފް ހެލްތު ސައިންސަސް ކުރިމަތިން އިއްޒުއްދީން މަގުން ބުރުޒުމަގުން ގޮސް އަމީނީމަގުން ގޮސް ބޮޑުތަކުރުފާނުމަގުން ރަސްފަންނަށެވެ.
ހިނގާލުން ފެށުނީ އެދުވަހު 16:30ގައެވެ. ރަސްފަންނާ ހަމަޔަށް ދެވުނީ 17:00އަށެވެ. ރަސްފަންނުގައި އެފް އެޗް އެސް ގެ ދަރިވަރުން ސިއްޙަތާބެހޭގޮތުން މީހުންގެ ހެލުންތެރިކަން އިތުރު ކުރުމުގެ ގޮތުން އެތަކެއް ފުރިހަމަ އައިޓަމްތަކެއް ހުށަހެޅި އެވެ. މީގެ ތެރޭގައި ”މާކުންބެ“ އަދި ”ހަޑިގިއްލާ“ ހިމެނެ އެވެ.
އެދުވަހުގެ އެންމެ ފާހަގަ ކޮއްލެވޭ އިވެންޓެއްގޮތުގައި ޝައްކެއްވެސް ނެތް ގޮތުގައި ވާނީ ޑަބްލިޔު.އެޗް.އޯ ގެ ރާއްޖެއަށް ހަމަޖައްސަވާފައި ހުންނަވާ ސަފީރު، އަރްވިންދު މާތުރު ގެ ވާހަކަ ފުޅު ދެއްކެވުމެވެ. އެބޭފުޅާ ވާހަކަ ވާހަކަ ދައްކަވަމުން ވިދާޅުވީ ”ދިވެހި ރާއްޖޭގެ މީހުން ސަރުކާރަށް ޝުކުރުވެރިވާން ޖޭހޭނެ. އެއީ އަޅުގަނޑުގެ ގަޢުމުކަމުގައިވާ ނޭޕާލުގައި ބަލި މީހަކަށް ސިއްޙީ ޙިދުމަތްދޭ ތަނަކަށް ދެވޭނީ އެންމެ މަދުވެގެންވެސް 3 ދުވަހުން. ދިވެހިންނަށް ކޮންމެރަށެއްގައި ހުއްޓަސް ހިލޭ ޑޮކްޓަރެއް އަދި ނަރުހެއްގެ ޙިދުމަތް ލިބޭ. މީ ދިވެހީންނަށް ލިބިފައިވާ ވަރަށް އަގުބޮޑު ނިޢުމަތެއް. މިނިޢުމަތުގެ ބޭނުން ހެޔޮގޮތުގައި ހިފަން ވާނެ.“ ކަމަށެވެ.
މި ހިނގާލުން ނިންމާލީ ހުރިހާ ދަރިވަރުން އަދި ލެކްޗަރާ އިން ބައިވެރި ވެގެން ކުރިޔަށް ގެންދިޔަ ޒުމްބާ ސެޝަނަކުންނެވެ.
