ހީލާސް އިން މާފަންނު މަދަރުސާގެ ދަރިވަރުންނަށް އަތްދޮވުމާ ބެހޭ ގޮތުން ސެޝަނެއް ކުރިޔަށް ގެންގޮސްފިއެވެ. މި ސެޝަން ކުރިޔަށް ގެންގޮސްފައިވަނީ މާފަންނު މަދަރުސާގެ އެލް.ކެ.ޖީ އަދި ޔޫ.ކޭ.ޖީގެ ސްޓާރ އަދި ބަޓަރފްލައި ކުދިންނަށެވެ. މި ސެޝަން ކުރިޔަށް ގެންގޮސްފައިވަނީ 80 ދަރިވަރުންގެ ޓާގެޓް އޯޑިއެންސްއަކަށެވެ. މި އިވެންޓް ކުރިޔަށް ގެންދެވުނީ 8 މެއި 2018 ވީ އަންގާރަ ދުވަހުގެ ހެނދުނު 10:00 އަކުން 11:00 އަށެވެ.
މާފަންނު މަދަރުސާގެ މެނޭޖްމެންޓް އަދި ހީލާސް ގުޅިގެން ކުރިޔަށް ގެންދިޔަ މިސެޝަންގައި ފެކަލްޓީ އޮފް ހެލްތު ސައިންސެސްގެ މެޑިކަލް ލެބޯޓަރީ ސައިންސް ކިޔަވަމުންދާ 10 ދަރިވަރުން ބައިވެރިވެފައިވެއެވެ. އަދި މީގެ އިތުރުން ހީލާސްގެ އެކްސްކޯގެ ރައީސް، އަތީފް އާދަމް ވެސް ވަނީ މި ސެޝަންގައި ބައިވެރިވެފައެވެ.
މި ސެޝަން ދަރިވަރުންނަށް ޝައުގުވެރިވާނެހެން ކުރިޔަށް ގެންދިޔުމަށްޓަކައި ހީލާސް އިން ވަނީ ވަރަށް ފުރިހަމަޔަށް ތައްޔާރުވެފައެވެ. މިގޮތުން ދަރިވަރުންނަށް ވަކިވަކިން ކިޔައިދިނުމުގެ އިތުރުން، އަތްދޮންނަންވީ ގޮތް ދައްކައިދޭ ނެށުމެއްވެސް ވަނީ ހުށަހަޅައި ދީފަ އެވެ. މީގެ އިތުރުން އަތްދޮވުމާއި ބެހޭގޮތުން މަޢުލޫމާތު ލިބޭ ކުޑަ ހަދިޔާއެއް ކޮންމެ ދަރިވަރަކަށް ދެވިފައިވެއެވެ.
މިއީ ހީލާސް އިން މާފަންނު މަދަރުސާގައި ކުރިޔަށް ގެންދިޔަ މިކަހަލަ ދެވަނަ ސެޝަނެވެ.