މާފަންނު މަދަރުސާގެ މެނޭޖްމެންޓްގެ އެދުމެއްގެ މަތިން ހީލާސް އިން މިއަދު ހެނދުނު 09:15 އިން 11:30 އަށް މާފަންނު މަދަރުސާ ޔޫ.ކޭ.ޖީ އަދި އެލް.ކޭ.ޖީ ދަރިވަރުންނަށް ހެލްތު އެޑިޔުކޭޝަން ސެޝަނެއް ނަގައިދީފި އެވެ. މި ސެޝަން ކުރިޔަށް ގެންދެވުނީ ދެބަޔަކަށް ބަހައިލައިގެންނެވެ. ދެ ސެޝަން ދޭތެރޭގައި 30 މިނިޓުގެ ބްރޭކެއް ލިބުނުއިރު މި ބުރޭކުގައި މާފަންނު މަދަރުސާގެ ފަރާތުން ވަނީ ބައިވެރިންނަށް ސައިފޮދެއް ދެއްވާފަ އެވެ
.
މި ސެޝަން ނަގައިދީފައި ވަނީ މާފަންނު މަދަރުސާގެ ސިލަބަސްގައިވާ ފިލާވަޅެއް ކަމަށްވާ އެތެރެހަށީގެ ގުނަވަންތަކާ ބެހޭގޮތުންނެވެ. ގުނަވަންތަކުގެ ދިވެހި އަދި އިނގިރޭސި ނަންތަކުގެ އިތުރުން ގުވަވަންތައް ހުންނަ ތަންތަނާއި ގުނަވަންތަކުގެ ބޭނުން އަދި ގުނަވަންތަކަށް ގެއްލުން އަދި ފައިދާވާ ކާނާގެ ބާވަތްތައް މި ސެޝަނުގައި ކިޔައި ދެވުނެވެ.
މި ސެޝަންގައި ހީލާސްގެ 6 މެމްބަރުންގެ އިތުރުން ފެކަލްޓީ އޮފް ހެލްތުސައިންސެސްގެ އިތުރު 8 ދަރިވަރުން ވަނީ ބައިވެރި ވެފައެވެ. މި ސެޝަން ނަގައިދެވިފައި ވަނީ މާފަންނު މަދަރުސާ ޔޫ.ކޭ.ޖީ އަދި އެލް.ކޭ.ޖީގެ 100 ވަރަކަށް ދަރިވަރުންނަށެވެ.
މި ސެޝަން ހިންގާފައިވަނީ މާފަންނު މަދަރުސާގެ އެސެމްބްލީގެ ތެރެއިން މާފަންނު މަދަރުސާގެ ގޯތި ތެރޭގައެވެ.
