2019 ވަނަ އަހަރުގެ ފުރަތަމަ ޓާރމްގެ ހީލާރސް ވެލްކަމް ނައިޓް މިދިޔަ ބުރާސްފަތި ދުވަހުގެ ރޭ ވަނީ ބާއްވާފައެވެ. މިއީ ކޮންމެ އަހަރެއްގައިވެސް އެންމެ ބޮޑު ތަރުހީބު ލިބޭ އިވެންޓެވެ. މި އިވެންޓްގައި ޑީން އޮފް ސްޓޫޑެންޓްސް ނާދިޔާ މިސް އަދި ޑެޕިއުޓީ ވައިސް ޗާންސެލަރ އައިޝަތު ޝާހީން ވަނީ ބައިވެރިވެފައެވެ. އަދި މީގެ އިތުރުން އެފް.އެޗް.އެސް ގެ ޑީން އަދި ލެކްޗަރަރސް ވެސް މި އިވެންޓް ބަލާލަން ދުރުވިއެވެ.
މިއިވެންޓްގައި ސްކޫލް އޮފް ނާރސިން، ސެންޓަރ ފޯ ފައުންޑޭޝަން ސްޓަޑީސް، ފެކަލްޓީ އޮފް އެޑިއުކޭޝަން، އަދި އެމްއެންޔޫ ބިސްނަސް ސްކޫލް ވަނީ އައިޓްމް ތައް ހުށައަޅާފައެވެ. އެފް.އެޗް.އެސް ގެ ފަރާތުން ހީލާރސް އަށް ވަނީ ހަނދާނީ ލިޔުމެއްވެސް މި އިވެންޓުގައި ވަނީ ހަވާލު ކޮށްފައެވެ. އެއީ ދިރާގު 15 އަހަރުން ދަށުގެ ފުޓްބޯޅަ މުބާރާތުގައި އެހީވާނެ ފަސްޓްއެއިޑަރުން ކޮންމެ މެޗަކަށް ހަމަޖައްސަވައިދިނުމުން ދެއްވި ހަނދާނީ ލިޔުމެކެވެ. އަދި ހީލާރސް ގެ ފަރާތުން ފަސްޓް އެއިޑަރުންނަށް ދިޔަ ދަރިވަރުންނަށް ވަނީ ހަނދާނީ ލިޔުން ހަވާލު ކުރައްވާފައެވެ.
