ހީލާރސް ހިންގުމަށް އަލަށް ހޮވުނު މެމްބަރުން ފެކަލްޓީ އޮފް ހެލްތް ސައިންސަސްގެ ޑީން ޑރ. ފަޒީލާ ވަހީދްއާއި ބައްދަލު ކުރައްވައިފިއެވެ. ޑީންއާއި ބައްދަލު ކުރައްވާފައި ވަނީ މިއަދު ހެނދުނު 8:30 ގައި ޑީންގެ މީޓިން ރޫމްގައެވެ. މި ބައްދަލުވުމުގައި މިއަހަރު ކުރިއަށް ރާވާފައި ހުރި ހަރަކާތްތައް ޑީންއާއި ހިއްސާކުރިއެވެ. އަދި ފެކަލްޓީގައި ދަރިވަރުންނާއި ދިމާވާ ދަތިތަކުގެ ވާހަކަވެސް ވަނީ ދެކެވިފައެވެ.
ޑީންއާއި ބައްދަލުކުރުމުގެ ކުރިން ހީލާރސް އިން ވަނީ މުޅި އަހަރުދުވަހު ކުރިއަށް ގެންދެވޭނެ ހަރަކާތްތައް މަޝްވަރާކޮށް އެކްޓިވިޓީ ކަލަންޑަރއެއް އެކުލަވާލާފައެވެ. އަދި މި ހަރަކާތްތައް ޑީންއާއި ޙިއްސާކޮށް ޑީންގެ ހިޔާލާއި ލަފާވަނީ މި ބައްދަލުބުމުގައި ހޯދާފައެވެ. މީގެ އިތުރުން ޑީން ފާހަގަކުރައްވަން ބޭނުންވާ ދުވަސްތައް ޑީންވަނީ ފާހަގަކޮއްދެއްވާފައެވެ. އަދި މިހާރު ކުރިއަށްދާ އެމް.އެން.ޔޫ.އެސް.ޔޫ އިންޓަރ ފެކަލްޓީ ވޮލީ މުބާރާތުގައި ޓީމް ހޯދަމުންދާ ކާމިޔާބީއަށް ޑީންވަނީ މަރުހަބާ ކިޔުއްވާފައެވެ. އަދި ޓީމްއަށްބޭނުންވާ އެއްވެސް ކަމެއް އޮތްތޯ އޮޅުންފިލުވިއެވެ.
