ހީލާރސް އާއި ހެލްތް ޕްރޮޓެކްޝަން އެޖެންސީ ގުޅިގެން ދުންފަތާ ދެކޮޅަށް މަސައްކަތް ކުރާދުވަހާއި ގުޅިގެން ނެރުނު އާގަވައިދަށް އާންމުން ހޭލުންތެރި ކުރަނީ

ހެލްތް ޕްރޮޓެކްޝަން އެޖެންސީ (އެޗް.ޕީ.އޭ) އާއި ދިވެހިރާއްޖޭގެ ގައުމީ ޔުނިވާރސިޓީގެ ދަރިވަރުންގެ ޔޫނިއަންގެ ފެކަލްޓީ އޮފް ހެލްތް ސައިންސަސްގެ ގޮފި، ހީލާރސް އާއި ގުޅިގެން މޭ 31 ވަނަ ދުވަހު އަމަލު ކުރަންފެށޭ ދުންފަތުގެ ބާވަތްތައް ޕެކެޓްކޮށް ލޭބަލް ޖެހުމާބެހޭ ގަވައިދު (ނަންބަރު 2019/R-158) އާއި ބެހޭގޮތުން ”ނޯ ޓޮބައިކޯ ކެންޕެއިން“ އެއް މާލެއާއި ހުޅުމާލޭގައި ކުރިއަށް އެބަގެންދެއެވެ.

މި ކެންޕެއިންގެ ދަށުން މާލޭގެ ގިނަ ފިހާރަ ތަކަކަށް މި ޔުނިވާރސިޓީގެ ދަރިވަރުން ދަނީ ޒިޔާރަތްކުރަމުންނެވެ. ފިހާރަތަކަށް މި ގަވައިދާ ގުޅޭ ސްޓިކާއާއި ފްލަޔާސް ވަނީ ބަހާފައެވެ. އަދި ގަވައިދުގައި އަމަލުކުރަން ޖެހޭ ގޮތްވެސް ވަނީ ކިޔާދީފައެވެ. މި ކެންޕެއިންގެ އަމާޒަކީ ވީހާވެސް ގިނަ ފަރާތްތަކެއް މިގަވައިދަށް އަހުލުވެރި ކުރުވާ ގަވައިދުގެ މަޢުލޫމާތު އޮޅުން ފިލުވައިދިނުމެވެ.

މި ކެންޕެއިން ފެށީ މޭ 30 ވަނަ ދުވަހުގެ ހަވީރުއެވެ. ހަވީރު އާއި ރޭގަނޑުގެ ވަގުތު ތަކުގައި އިއްޔެއާއި މިއަދު ޔުނިވާރސިޓީގެ ދަރިވަރުން މި ކެމްޕެއިންގައި މާލޭގެ އެކި ހިސާބުތަކުގައި ހަރަކާތް ތެރިވާނެއެވެ.

ލިޔުނީ: ސަފާނާ ޙަސަން
މީޑިއާ ކޯޑިނޭޓަރ، ހީލާރސް، އެމް.އެން.ޔޫ.އެސް.ޔޫ