ފެކަލްޓީ އޮފް ހެލްތް ސައިންސަސްގެ ގޮފި ހީލާރސްގެ ފަރާތުން މި އަހަރުގެ އަންހެނުންގެ ދުވަސް ފާހަގަ ކޮށްފިއެވެ.
އަންހެނުންގެ ދުވަސް ފާހަގަ ކުރުމަށްޓަކައި އެފް.އެޗް.އެސް ގެ ގޯތި ތެރޭގައި ހީލާރސްގެ ފަރާތުން ވަނީ ފޮޓޯ ނެގުމާއި، މެސެޖް ހަދިޔާކުރުމުގެ ހަރަކާތެއް ކުރިއަށް ގެންގޮސްފައެވެ. 08 މާރޗް ވަނަ ދުވަހު ލަންޗް ބުރޭކް ގަޑިއާ ދިމާކޮށް ކުރިއަށް ގެންދިޔަ މިހަރަކާތުގައި އެފް.އެޗް.އެސްގެ ޑީން އާއި، ލެކްޗަރާއިންނާއި، ގިނަ އަދަދެއްގެ ސްޓާފުން އަދި ދަރިވަރުން ވަނީ ބައިވެރިވެފައެވެ.
މިހަރަކާތް އިންތިޒާމް ކުރުމުގެ މައިގަނޑު މަގުސަދަކީ އެފް.އެޗް.އެސް ގައި މަސައްކަތް ކުރައްވާ އަންހެން ބޭފުޅުންނާއި މިފެކަލްޓީގައި ތައުލީމް ހާސިލް ކުރަމުންދާ އަންހެން ދަރިވަރުންނާއެކު އުފާވެރި މާހައުލެއްގެ ތެރެއިން އެކަކު އަނެކަކަށް ހެޔޮހިތުން އެކުވެރި ކަމުގެ މެސެޖެއް ހިއްސާކޮށްލާ، ދުވަހުގެ ތަހުނިޔާ ރައްދުކުރުމާއި ގުޅުން ބަދަހިކުރުމެވެ.
މިހަރަކާތުގެ ތެރެއިން ވާހަކަ ދައްކަވަމުން ހީލާރސްގެ ނިމިދިޔަ ދައުރުގެ ރައީސާ އައިމިނަތު ރައުދާ ރަޝީދު ވަނީ އެކަކު އަނެކަކަށް އަގުވަޒަން ކުރުމަށް، ނުވަތަ ހިތްވަރު ދިނުމުގެ ގޮތުން މެސެޖެއް ބޭނުންވާ ފަރާތަކަށް ރައްދުކޮށްލާ، އެކުވެރިންނާއި ލެކްޗަރާސް އެކީ ފޮޓޯ ނެގުމަށް މިފަދަ ހަރަކާތެއް އިންތިޒާމް ކުރީތީވެ ހީލާރސް އަށް ޝުކުރު އަދާކޮށްފައެވެ.
ހިލާރސްގެ ފަރާތުން ކުރިއަށްގެންދާ މިފަދަ ހަރަކާތްތަކަށް ދަރިވަރުންނާއި އެފް.އެޗް.އެސްގެ މެނޭޖްމެންޓުން އަބަދުވެސް ލިބޭ އެއްބާރުލުން ފާހަގަ ކޮށްލަން ޖެހެއެވެ.
