ފެކަލްޓީ އޮފް ހެލްތް ސައިންސަސްގެ ގޮފި ހީލާރސް ގެ ފަރާތުން އިސްނަގައިގެން މުޅިން އަލަށް އިންތިޒާމްކުރާ ”އެމް.އެން.ޔޫ.އެސް.ޔޫ ހީލާރސް ވޮކޭބްލަރީ“ މުބާރާތުގައި ބައިވެރިވުމުގެ ފުރުސަތު ހުޅުވާލައިފިއެވެ.
މި މޭ މަހު 20 ވަނަ ދުވަހާއި 21 ވަނަ ދުވަހު އެފް.އީ އޮޑިޓޯރިއަމްގައި ކުރިއަށް ގެންދިއުމަށް ރޭވިފައިވާ މިމުބާރާތަކީ ދަރިވަރުންގެ އިނގިރޭސި ބަހުގެ ބަސްކޮށާރު ތަރައްގީ ކުރުމުގެ މަގުސަދުގައި ހިންގޭ ހަރަކާތެކެވެ. މިމުބާރާތުގައި 4 ބުރެއް ހިމެނޭއިރު ފައިނަލްގައި ބައްދަލުކުރާނީ ހުރިހާ ބުރަކުން ވެސް އެންމެ މަތިން މާކްސް ލިބޭ 2 ޓީމެކެވެ.
މިމުބާރާތުގައި އެންމެ ފުރަތަމަ ބުރަކީ ޕިކްޓޯށަނަރީ އެވެ. މި ބުރުގައި މުބާރާތުގެ ހުރިހާ ބައިވެރިންވެސް ބައިވެރިވާން ޖެހޭނެއެވެ. ދެވަނަ ބުރުގެ ނަމަކީ ”ގެސް ދި ސިމިލީ “ އެވެ. ”ބަޒާރ“ މި ބުރަށް ފަހު ފައިނަލް ބުރަކީ ”ވޯރޑް ޖަންބަލް “ އެވެ.
މިއީ އިންޓަރ ފެކަލްޓީ މުބާރާތެއްކަމުން ކޮންމެ ފެކަލްޓީ އަކުންވެސް ބައިވެރިކުރެވޭނީ އެންމެ ޓީމެކެވެ. މުބާރާތުގެ ގަވާއިދު ބުނާ ގޮތުން ޓީމެއްގައި މަދުވެގެން 5 ބައިވެރިން އަދި ގިނަވެގެން ބައިވެރިވެވޭނީ 8 ބައިވެރިންނަށެވެ.
މި މުބާރާތުގައި ބައިވެރިވުމަށް ޓީމް ލިސްޓް 15 މެއި ވާ އާދިއްތާ ދުވަހުގެ މެންދުރު 02:00ގެ ކުރިން ހީލާރސްގެ މެއިލް އަށް ފޮނުވަންވާނެއެވެ. ހީލާރސް ގެ މެއިލް އެޑްރެސް އަދި މުބާރާތުގެ ގަވާއިދު ހީލާރސްގެ ފޭސްބްކް ޕޭޖްގައި ހިއްސާކުރެވިފައިވާނެއެވެ. އަދި ތިރީގައި މިވާ ލިންކުން ވެސް މުބާރާތުގެ އުސޫލުތަކާއި ގަވާއިދުތައް ބައްލަވާލެއްވޭނެއެވެ.
https://drive.google.com/file/d/1sTQgz_u4q3tOokEGQXEMR6HKHk-cCqjT/view?usp=sharing
ހީލާރސް ގެ މެއިލް އެޑްރެސް :
healers.mnu.studentunion@gmail.com
ހީލާރސްގެ އުންމީދަކީ މިމުބާރާތުގައި ގިނަ ޓީމް ތަކެއް ބައިވެރިވެ ވާދަވެރި މުބާރާތަކަށް މިފަހަރުގެ ”އެމް.އެން.ޔޫ.އެސް.ޔޫ ހީލާރސް ވޮކޭބްލަރީ “ މުބާރާތް ވެގެން ދިޔުމެވެ.
