މި ސެމިސްޓަރގައި ހީލަރސް އަށް އަލަށް ގުޅުނު ލީޑަރސް އަށް ”ލީޑަރސް ގޭމް ނައިޓް“ ބާއްވައިފިއެވެ. މިހަރަކާތް ކުރިއަށް ގެންގޮސްފައިވަނީ 24 އޮގަސްޓް ވީ ބުދަ ދުވަހު އެފް.އެޗް.އެސް ކޮންފަރެންސް ހޯލުގައެވެ.
މި ގޭމްސް ނައިޓްގައި ހީލަރސްގެ ހިންގާ ކޮމެޓީގެ މެމްބަރުންނާއި، މިހާރުގެ ލީޑަރސް އަދި ކުރީގެ ހީލަރސް ހިންގާ ކޮމެޓީގެ ބައެއް މެންބަރުންގެ އިތުރުން 15 އަށް ވުރެ ގިނަ އައު ލީޑަރުން ވަނީ ބައިވެރިވެފައެވެ.
މި ގޭމްސް ނައިޓްގައި ތަފާތު މަޖާ ގޭމްތަކާއި، ލީޑަރުންގެ ޝުއޫރު ފާޅުކުރުމާއި، ފޮޓޯނެގުން ވަނީ ކުރިއަށް ގެންގޮސްފައެވެ.
ހީލަރސްގެ ފަރާތުން އަލަށް ލީޑަރުންގެ ގޮތުގައި ގުޅޭ ދަރިވަރުންނަށް އަމާޒުކޮށްގެން މިފަދަ ހަރަކާތްތައް އަބަދުވެސް ބާއްވަމުން އަންނައިރު، މިފަދަ ގޭމްސް ނައިޓެއް ބޭއްވި މިއީ ފުރަތަމަ ފަހަރެވެ. މީގެ ކުރިން ވަނީ އައު ލީޑަރުންނަށް ހާއްސަ ކޮށްގެން ”ލީޑަރސް ފަން ޓްރިޕް“ ގެ ނަމުގައި ޕިކްނިކް ދަތުރުތައް އިންތިޒާމްކޮށްފައެވެ.
މިފަދަ ހަރަކާތްތަކުގެ މައިގަނޑު މަގުސަދަކީ އަލަށް ލީޑަރުންގެ ގޮތުގައި ގުޅޭ ދަރިވަރުންނާއި، މިހާރުވެސް ލީޑަރުންގެ ގޮތުގައި ހަރަކާތްތެރިވަމުން އަންނަ ދަރިވަރުންގެ މެދުގައި އެކުވެރިކަން އާލާކޮށް ގުޅުން ބަދަހި ކުރުމެވެ.
