ސިއާ – ހީލާރސް ”ވެލްކަމް ނައިޓް“ ބާއްވައިފި!

ސްޓޫޑެންޓްސް އިނީޝިއޭޓިވް އޮފް އާރޓްސް (ސިއާ) އާއި ހީލާރސް ގުޅިގެން 2023 ވަނަ އަހަރުގެ ފުރަތަމަ ސެމިސްޓަރގައި އެ ފެކަލްޓީތަކާއި އަލަށް ގުޅުނު ދަރިވަރުންނަށް ޚާއްސަކޮށްގެން ”ވެލްކަމް ނައިޓް“ ބާއްވައިފިއެވެ.

މި ހަރަކާތް ކުރިއަށް ގެންގޮސްފައިވަނީ 24 ފެބުރުވަރީ 2023 ވީ ހުކުރު ދުވަހުގެރޭ ފެކަލްޓީ އޮފް ހެލްތް ސައިންސަސް ކޮންފަރެންސް ހޯލްގައެވެ.

މި ހަރަކާތުގައި ދަރިވަރުންނާއެކު ހީލާރސް އަދި ސިއާގެ އަލަށް ހޮވުނު ހިންގާ ކޮމިޓީގެ މެންބަރުންގެ އިތުރުން ކުރީގެ މެންބަރުންވެސް ވަނީ ބައިވެރިވެފައެވެ. އަދި އެމް.އެން.ޔޫ.އެސް.ޔޫގެ ހިންގާ ކޮމިޓީގެ ރައީސް ވަނީ އެފް.އެޗް.އެސް އަދި އެފް.އޭ އަށް އަލަށް ގުޅުނު ދަރިވަރުންނާ މުހާތަބުކޮށް ވާހަކަ ދައްކަވާފައެވެ.

އެކުވެރި މާހައުލެއްގައި ކުރިއަށް ގެންދެވުނު މި ވެލްކަމް ނައިޓުގައި ތަފާތު ގިނަ ކުޅިވަރުތަކާއި މުނިފޫހިފިލުވުމުގެ ހަރަކާތްތައް ވަނީ ކުރިއަށް ގެންގޮސްފައިވެއެވެ.

ވެލްކަމް ނައިޓް ފުރިހަމަ ކަމާއެކު ނިންމާލުމުގައި ސްޓޫޑެންޓްސް އިނީޝިއޭޓިވް އޮފް އާރޓްސް އަދި ހީލާރސްގެ އިސްވާރުންގެ އެއްބާރުލުން ވަނީ ލިބިގެންގޮސްފައެވެ.

މި ހަރަކާތް ކުރިއަށް ގެންދިޔުމުގެ ބޭނުމަކީ ދެ ފެކަލްޓީގެ ދަރިވަރުންގެ މެދުގައި އެކުވެރިކަން އާލާކުރުމާއެކު އެކަކު އަނެކަކަށް ތަޢާރަފުވެ ކިޔެވުމުގެ އިތުރުން އެހެނިހެން އެކި ހުނަރުތައް ކުދިންގެ ކިބައިގައި އަށަގެންނެވުމެވެ.

މި ވެލްކަމް ނައިޓަކީ ސިއާ އަދި ހީލާރސް ގުޅިގެން މިއަހަރު ބޭއްވި ފުރަތަމަ ހަރަކާތެވެ.