އަންހެނުންގެ ދުވަސް ފާހަގަ ކުރުމަށްޓަކައި އެފް.އެޗް.އެސް ގެ ގޯތި ތެރޭގައި ހީލާރސްގެ ފަރާތުން ފޮޓޯ ނެގުމާއި، މެސެޖް ހަދިޔާކުރުމުގެ ހަރަކާތެއް ކުރިއަށް ގެންގޮސްފިއެވެ.
އެހެން އަހަރުތަކާއި ހިލާފަށް، މިއަހަރުގެ އަންހެނުންގެ ދުވަހުގެ މުނާސަބަތުގައި ކޭކް ފެޅުންވެސް ވަނީ ކުރިޔަށް ގެންގޮސްފައެވެ. 08 މާރިޗް ވަނަ ދުވަހު ލަންޗް ބުރޭކް ގަޑިއާ ދިމާކޮށް ކުރިއަށް ގެންދިޔަ މިހަރަކާތުގައި އެފް.އެޗް.އެސްގެ ޑީން އާއި، ލެކްޗަރާއިންނާއި، ގިނަ އަދަދެއްގެ ސްޓާފުން އަދި ދަރިވަރުން ވަނީ ބައިވެރިވެފައެވެ.
މިހަރަކާތް އިންތިޒާމް ކުރުމުގެ މައިގަނޑު މަގުސަދަކީ އެފް.އެޗް.އެސް ގައި މަސައްކަތް ކުރައްވާ އަންހެން ބޭފުޅުންނާއި މިފެކަލްޓީގައި ތައުލީމް ހާސިލް ކުރަމުންދާ އަންހެން ދަރިވަރުން، އެކަކު އަނެކަކަށް ހެޔޮހިތުން އުފާވެރިކަމާއެކު އަންހެނުންގެ ދުވަހުގެ ތަހުނިޔާ އަރިސް ކުރުމެވެ. އަދި ހަމަ އެހެންމެ ދަރިވަރުންނާއި އެހެނިހެން މުވައްޒަފުންގެ މެދުގައި އެކުވެރިކަން އާލާކުރުންވެސް މެއެވެ.
މި ހަރަކާތުގެ ތެރެއިން އެފް.އެޗް.އެސްގެ ޑީން ވަނީ ހީލާސް ގެ ފަރާތުން އެކުވެރިކަން ބަދަހިކުރުމުގެ ނިޔަތުގައި ހިންގާ މިފަދަ ހަރަކާތްތައް ފާހަގަކޮށް، ވީހާވެސް ގިނަކުދިން މިފަދަ ހަރަކާތްތަކުގައި ބައިވެރިވުމަށް ހިތްވަރުދީފައެވެ.
މިފުރުސަތުގައި ހީލާރސްގެ ފަރާތުން ކުރިއަށްގެންދާ މިފަދަ ހަރަކާތްތަކަށް ދަރިވަރުންނާއި އެފް.އެޗް.އެސްގެ މެނޭޖްމެންޓުން ލިބޭ އެއްބާރުލުން ފާހަގަ ކުރަމެވެ.
