އެފް.އެޗް.އެސް.ގެ ވޮލީ ޓީމްތަކުގެ ޖާޒީ ހަވާލުކުރުމުގެ ރަސްމިއްޔާތު ބާއްވައިފިއެވެ.
އެމެ.އެން.ޔޫ.އެސް.ޔޫ އިން ފެކަލްޓީތަކުގެ މެދުގައި ބާއްވާ ވޮލީ ޓޯނަމެންޓްގައި އެފް.އެޗް.އެސް އިން ބައިވެރިވުމަށް ހަމަޖެހިފައިވާ ޓީމްތަކަށް ޖާޒީ ހަވާލުކޮށްފިއެވެ. މި މުބާރާތުގައި އެފް.އެޗް.އެސް އިން ވަނީ އަންހެން އަދި ފިރިހެން ޑިވިޝަންގައިވެސް ބައިވެރިވެފައެވެ.
މި ރަސްމިއްޔާތު ބާއްވާފައިވަނީ 15 މޭ ވީ އާދީއްތަ ދުވަހުގެ މެންދުރު، ފެކަލްޓީ އޮފް ހެލްތް ސައިންސަސް ގައެވެ. މި ރަސްމިއްޔާތުގައި ކުޅުންތެރިންނާއި ހީލާރސްގެ ހިންގާ ކޮމެޓީގެ މެންބަރުންގެ އިތުރުން ފެކަލްޓީގެ ޑީން، އަދި އިތުރު ލެކްޗަރާސް އިން ވަނީ ބައިވެރި ވެފައެވެ.
ކުޅުންތެރިން އަދި އޮފިޝަލުންނާއި ޖާޒީ ހަވާލު ކޮށްފައިވަނީ އެފް.އެޗް.އެސް ގެ ޑީން ޑރ. އައިޝަތު ޝަނޫރާ، އަދި ޑިޕާރޓްމެންޓް އޮފް ވެލްނެސްގެ ހެޑް އޮފް ޑިޕާރޓްމެންޓް، މުހައްމަދު ނިމާލްއެވެ. ހަމަ އޭގެ އިތުރުން މި ރަސްމިއްޔާތުގައި ސަޕޯޓަރުންގެ ޖާޒީވެސް ވަނީ ދަރިވަރުން އަދި ލެކްޗަރާސް އިންނަށް ހަވާލު ކުރެވިފައެވެ.
މި ރަސްމިއްޔާތުގައި ހީލާރސްގެ ހިންގާ ކޮމެޓީ އިން ވަނީ މުބާރާތުގެ ތެރޭގައި ކުޅުންތެރިންގެ ފަރާތުން ރިވެތި އަހުލާގު ދެއްކުމަށް ނަސޭހަތްތެރިވެފައެވެ. އަދި ހަމަ އެހެންމެ މުބާރާތުގެ ގަވާއިދާއި، މެޗުތަކުގެ ތާވަލްވެސް ވަނީ ކުޅުންތެރިންނާ ހިއްސާ ކުރެވިފައެވެ.
”އެމް.އެން.ޔޫ.އެސް.ޔޫ އިންޓަރ ފެކަލްޓީ ވޮލީބޯލް ޓޯނަމެންޓް“ އަކީ ކޮންމެ އަހަރަކުވެސް ފޯރިގަދަކޮށް ކުރިއަށް ގެންދެވިގެންދާ މުބާރާތެކެވެ.
