ދިވެހިރާއްޖޭގެ ޤައުމީ ޔުނިވާރސިޓީގެ ދަރިވަރުންގެ ޔޫނިއަންގެ ސްކޫލް އޮފް މެޑިސިންގެ ގޮފި، މެޑިކޯސްގެ ހިންގާ ކޮމިޓީގެ މެންބަރުން، ޔޫނިއަންގެ ހިންގާ ކޮމިޓީގެ ބައެއް މެންބަރުންނާ ބައްދަލުކޮއްފިއެވެ.
ސްކޫލް އޮފް މެޑިސިން ހިންގާ ދަރުމަވަންތަ ހޮސްޕިޓަލްގެ 14 ވަނަ ފަންގިފިލާގައި މިއަދު ހަވީރު ބޭއްވުނު މި ބައްދަލުވުމުގައި، މި ހިނގާ 1442 ވަނަ އަހަރުގެ ރަމަޟާން މަހު މެޑިކޯސްގެ ފަރާތުން ކުރިއަށް ގެންދިއުމަށް ހަމަޖެހިފައިވާ ހަރަކާތްތަކާ ބެހޭގޮތުން މަޝްވަރާކުރެވި، އެ ހަރަކާތްތައް ޔޫނިއަންގެ ލަފަޔާއި އިރުޝާދާއި އެއްގޮތަށް ކުރިއަށް ގެންދިއުމަށް ވަނީ ހަމަޖެހިފައިއެވެ.
މެޑިކޯސްގެ ފަރާތުން މި ރަމަޟާން މަހު ކުރިއަށް ގެންދިއުމަށް ހަމަޖެހިފައިވާ ހަރަކާތްތަކުގެ ތެރޭގައި، ދަރިވަރުންގެ މެދުގައި ދީނީ ހޭލުންތެރިކަން އިތުރު ކުރުމުގެ މަޤްޞަދު ގައި ބޭއްވޭ ދީނީ ސުވާލު މުބާރާތުގެ އިތުރުން އާއްމުންނަށް ޞިއްޙަތަށް ފައިދާހުރި ކާނާ އާއި ގުޅޭ މަޢުލޫމާތު ފޯރުކޮށްދިނުމަށް ގެނެސްދިނުމަށް ހަމަޖެހިފައިވާ ”ކާނާއި ޞިއްޙަތު“ ޕްރޮގްރާމް ހިމެނެއެވެ.
މީގެ އިތުރުން ވެސް މެޑިކޯސްގެ ފަރާތުން މި އަހަރު ކުރިއަށް ރޭވިފައި ހުރި ހަރާކާތްތަކުގެ މަޢުލޫމާތުތައް ވަނީ ޔޫނިއަންނާއި ހިއްސާ ކުރެވިފައެވެ.
