”މެޑިކޯސް ވިތު ފަލަސްޠީން“ ގެ ނަމުގައި މެޑިކޯސްއިން އިންތިޒާމު ކޮށްގެން ޚާއްސަ ކެމްޕޭނެއް ފަށައިފިއެވެ.
މިއީ މިވަގުތު ބޭނުން ޖެހިފައިވާ ފަލަސްޠީނުގެ ރައްޔިތުންނަށް، ސްކޫލް އޮފް މެޑިސިންގެ ދަރިވަރުންގެ ފަރާތުން އެހީތެރިކަން ފޯރުކޮށްދިނުމަށްޓަކާ ފެށުނު ހަރަކާތެކެވެ. މި ހިނގާ އޮކްޓޯބަރު މަހުގެ 22 ވީ އާދިއްތަ ދުވަހު މިހަރަކާތް ފެށިގެން ގޮސްފައި ވާއިރު، މިހާތަނަށް މިހަރަކާތަށް ވަނީ ބޮޑު ތަރުހީބެއް ލިބިގެން ގޮސްފައެވެ.
މިހަރަކާތުގެ ތެރެއިން މިހާރުވަނީ ދަރުމަވަންތަ ހޮސްޕިޓަލުގެ 14 އަދި 8 ވަނަ ފަންގިފިލާގައި ފަންޑު ފޮށިތައް ބެހެއްޓިފައެވެ. ހަމައެއާއެކު އޮންލައިން ޓްރާންސްފަރ މެދުވެރިކޮށްވެސް ފައިސާ ހަދިޔާކުރެވޭނެ އިންތިޒާމް ވަނީ ހަމަޖެހިގެން ގޮސްފައެވެ. އޮންލައިން ޓްރާންސްފަރ މެދުވެރިކޮށް އެހީ ފޮނުވޭނެ އިންތިޒާމް ހަމަޖެހިފައިވަނީ ތިރީގައިވާ އެކައުންޓަށެވެ.
7730000547904 Latheefa Hussain
މި ހަރަކާތް އިތުރަށް ފުޅާކުރުމުގެ މަސައްކަތް މެޑިކޯސްގެ ފަރާތުން އަންނަނީ ކުރަމުންނެވެ.
މިވަގުތު އަޅުގަނޑުމެންގެ އެހީއަށް ނުހަނު ބޭނުންޖެހިފައިވާ ފަލަސްޠީނުގެ އަޚުންނާއި އުޚުތުންނަށް އެހީތެރިވުމުގެ ގޮތުން މި ހަރަކާތަށް ވީހާވެސް ގިނަ ދަރިވަރުންގެ އެއްބާރުލުން ދިނުމަކީ މެޑިކޯސްގެ ވަރަށް ބޮޑު އެދުމެކެވެ. މިހަރަކާތުން ލިބޭ ފައިސާ ހަދިޔާ ކުރުމަށް ހަމަޖެހިފައިވަނީ ދިވެހި ރެޑް ކްރެސެންޓްގެ ފަލަސްޠީން ރިލީފް ފަންޑަށެވެ.
