އެމް.އެން.ޔޫ.އެސް.ޔޫ އާއި މެޑިކޯސް ގުޅިގެން މިއަހަރުގެ ރަމަޟާންމަހުގެ ޚާއްސަ ހަރަކާތެއްގެ ގޮތުގައި ކުރިޔަަށްގެންދާ ’ހިދާޔަތު ދަރުސް ޕްރޮގްރާމް’ގެ ދެވަނަ ދަރުސް މިރޭ ބާއްވަން ނިންމައިފިއެވެ.
މިރޭގެ ދަރުސް ބޭއްވުމަަށް ހަމަޖެހިފައިވަނީ އެމްއެންޔޫ ބިޒްނަސް ސްކޫލްގެ އޮޑިޓޯރިއަމްގައި، 21:20 ގައެވެ. މިރޭގެ ދަރުސްގެ މައުޟޫޢުއަކީ ”ހޮވާލެވިގެންވާ ހަތް ބައެއް“ މި މައުޟޫޢެވެ. މައުޟޫޢުއަަށް އިންސާފުކޮށްދެއްވާނީ އައްޝައިޚް އާޒިމް ޚާލިދެވެ.
މި ޕްރޮގްރާމްގެ ތެރެއިން ރަމަޟާންމަހުގެ ކޮންމެ ހަފްތާއަކުވެސް އެއް ދަރުސް ބޭއްވުމަށް ވަނީ ހަމަޖެހިފައެވެ. މިގޮތުން މިދިޔަ ހުކުރު ދުވަހުގެރޭ ވަނީ މިޕްރޮގްރާމުގެ ފުރަތަމަ ދަރުސް ބާއްވާފައެވެ. އަދި މި ދަރުހަށް ވަނީ ގިނަ ދަރިވަރުންތަކަކާއި އާންމުންގެ ތަރުހީބު ލިބިފައެވެ. މި ދަރުސް ބައްލަވާލައްވަން ވަޑައިގެންނެވުމުގެ ފުރުސަތު ވަނީ އެމް.އެން.ޔޫގެ ހުރިހާ ދަރިވަރުންނާއި މުވައްޒަފުންގެ އިތުރުން އާންމުންނަށްވެސް ހުޅުވާލެވިފައެވެ. ދަރުސް ނިމުމަށްފަހު ދަރުސްއަށް ވަޑައިގަންނަވާ ބޭފުޅުންނަށް ދީނީ ސުވާލުތަށް ކުރުމުގެ ފުރުސަތު ހުޅުވާލެވޭނެއެވެ.
އެމް.އެން.ޔޫ.އެސް.ޔޫ-މެޑިކޯސް ހިދާޔަތު ދަރުސް ޕްރޮގްރާމަކީ މިއަހަރު މުޅިން އަލަށ،ް ރަމަޟާންމަހާ ދިމާކޮށް މެޑިކޯސްއިން ކުރިޔަށް ގެންދާ ހަރަކާތެކެވެ. މިހަރަކާތުގެ މައިގަނޑު މަޤްސަދަކީ ދަރިވަރުންގެ މެދުގައި ދީނީ ރޫޙް އާލާކޮށް، ދީނީ ޝިޢާރުތައް ދިރުވާ އާލާކުރުމެވެ. މީގެ އިތުރުންވެސް މިއަހަރުގެ ރަމަޟާން މަހާ ދިމާކޮށް ދީނީ ސުވާލު މުބާރާތެއް ކުރިޔަށް ގެންދިޔުމަށް ވެސް މެޑިކޯސްއިން ވަނީ ނިންމާފައެވެ.
