”އެމް.އެން.ޔޫ.އެސް.ޔޫ- މެޑިކޯސް ހިދާޔަތު ސުވާލު މުބާރާތް 1445“ މިއަދު ހަވީރު، 16:00ގައި ފެށުމަށް ތައްޔާރުވެއްޖެއެވެ.
މިމުބާރާތަކީ އެމް.އެން.ޔޫ.އެސް.ޔޫ އަދި މެޑިކޯސް ގުޅިގެން މިއަހަރުގެ ރަމަޟާން މަހާ ދިމާކޮށް ކުރިޔަށް ގެންދިޔުމަށް ހަމަޖެހިފައިވާ މުބާރާތެކެވެ. މުބާރާތުގެ ގްރޫޕް-އޭގެ މެޗު ފެށުމަށް ހަމަޖެހިފައިވަނީ މިއަދު ހަވީރު 16:00 ގައި އެފް.އީ އޮޑިޓޯރިއަމްގައެވެ. ގްރޫޕް-އޭގެ މެޗުގައި ބައްދަލުކުރާނީ އެމް.އެން.ޔޫ ބިޒްނަސް ސްކޫލް، ފެކަލްޓީ އޮފް ހެލްތު ސައިންސަސް އަދި ފެކަލްޓީ އޮފް ހޮސްޕިޓަލިޓީ އެންޑް ޓޫރިޒަމް ސްޓަޑީޒްއެވެ. އަދި މުބާރާތުގެ ގްރޫޕް-ބީގެ މެޗު މިރޭ 21:00ގައި އެފް.އީ އޮޑިޓޯރިއަމްގައި ބޭއްވުމަށް ހަމަޖެހިފައިވާއިރު، މި މެޗުގައި ބައްދަލުކުރާނީ ފެކަލްޓީ އޮފް އެޑިއުކޭޝަން، ސްކޫލް އޮފް މެޑިސިން އަދި ފެކަލްޓީ އޮފް އާރޓްސްއެވެ.
ކޮންމެ މެޗެއްގައި ވެސް 3 ބުރެއް ކުރިޔަށް ދާނެއެވެ. ނަމަވެސް ފުރަތަމަ ދެބުރު ނިމުމަށްފަހު ތިން ވަނަ ބުރުގައި ވާދަކުރާނީ އެމެޗެއްގައި އެންމެ މަތިން މާރކްސް ހޯދާ ދެޓީމެކެވެ. ކޮންމެ މެޗަކުންވެސް އެންމެ ގިނަ ޕޮއިންޓް ހޯދާ ޓީމެއް ފައިނަލަށް ދަތުރުކުރާއިރު، ފައިނަލް މެޗް ބޭއްވުމަށް ހަމަޖެހިފައިވަނީ ހޮނިހިރު ދުވަހުގެރޭ 21:00ގައި އެފް.އީ އޮޑިޓޯރިއަމްގައެވެ.
މިމުބާރާތުގައި ޖުމްލަ 6 ފެކަލްޓީއަކުން ވާދަކުރެއެވެ. އަދި މިއީ މިފަދަ ދީނީ ސުވާލު މުބާރާތެއް ޔުނިވާސިޓީގެ ތެރޭގައި ބޭއްވޭ ފުރަތަމަ ފަހަރެވެ.
