2024 ވަނަ އަހަރުގެ ދެވަނަ ސެމިސްޓަރގެ ފުރަތަމަ ހަރަކާތެއްގެ ގޮތުން މެޑިކޯސް އިން ކުރިއަށް ގެންދިޔަ ޕަވަރޕޮއިންޓް ނައިޓް ކާމިޔާބުކަމާއެކު ނިންމާލައިފިއެވެ.
މިހަރަކާތް ބާއްވާފައިވަނީ މިދިޔަ ހޮނިހިރު ދުވަހުގެރޭ ފެކަލްޓީ އޮފް ހެލްތު ސައިންސަސްގެ އޮޑިޓޯރިއަމްގައެވެ.
މިހަރަކާތުގައި ދަރިވަރުންގެ ޔޫނިއަންގެ ހިންގާ ކޮމިޓީގެ މެމްބަރުންނާއި، ގޮފިތަކުގެ ހިންގާ ކޮމިޓީތަކުގެ މެމްބަރުންވަނީ ބައިވެރިވެފައެވެ. އަދި ސްކޫލް އޮފް މެޑިސިންގެ ގިނަ ދަރިވަރުންވަނީ ބައިވެރިވެފައެވެ.
ޖުމްލަ 14 ޕްރެސެންޓޭޝަނެެއް މި ހަރަކާތުގެ ތެރެއިންވަނީ ފެނިގެންގޮސްފައިވެއެވެ. އަދި ގުރުއަތުން ހޮވުނު ބައެއް ދަރިވަރުންނާއި، އޯޑިއަންސްގެ ބައެއް ބެލުންތެރިން ޕްރެސެންޓޭޝަންތައް ޕްރެސެންޓްކުރަމުން ދިޔައިރު، ޕްރެސެންޓޭޝަންތަކަށްވަނީ ބޮޑު ތަރުހީބެއް ލިބިގެން ގޮސްފައެވެ.
މިހަރަކާތުގެ ބައިވެރިންނަށް ހަރަކާތް ހިނގަމުން ދިޔަ ވަގުތުގައި ބައެއް ސްނެކްސް ލިބޭނެ އިންތިޒާމުވެސް މެޑިކޯސްގެ ފަރާތުން ވަނީ ހަމަޖައްސައިފައެވެ.
ޕަވަރޕޮއިންޓް ނައިޓަކީ މީގެ ކުރިންވެސް މެޑިކޯސްގެ ފަރާތުން އިންތިޒާމުކުރަމުން އަންނަ، ގިނަ ދަރިވަރުންގެ ތަރުހީބު ލިބޭ ހަރަކާތެކެވެ. ދެވަނަ ސެމިސްޓަރގެ ކުރިޔަށް އޮތްތަނުގައިވެސް ގިނަ ހަރަކާތްތަކެއް ރާވައި އިންތިޒާމުކުރުމަށް މެޑިކޯސްގެ ހިންގާ ކޮމެޓީއިން ދަނީ މަސައްކަތްކުރަމުންނެވެ.
