”އިންޓަރނޭޝަނަލް ޑޭ އޮފް ސައިން ލޭންގުއޭޖަސް“ ދުވަހުގެ މުނާސަބަތުގައި މެޑިކޯސް އިން ބާއްވާ ޚާއްސަ ސައިން ލޭންގުއޭޖް ވޯކްޝޮޕް މިރޭ ބޭއްވުމަށް ނިންމައިފިއެވެ.
މިރޭ ބޭއްވުމަށް ހަމަޖެހިފައިވާ މިޚާއްސަ ސެޝަން އޮންނާނީ ފެކަލްޓީ އޮފް ހެލްތު ސައިންސަސްގެ އޮޑިޓޯރިއަމްގައިި 20:00ގައެވެ. މިސެޝަން ނަންގަވައިދެއްވުމަށް ހަމަޖެހިފައިވަނީ މިދާއިރާއިން ޚާއްސަ ބޭފުޅެއްކަމުގައިވާ، ގައުމީ ޔުނިވާސިޓީގެ ލެކްޗަރަރ އަލްފާޟިލް ސަޢީދު އަހްތަރެވެ. މިބޭފުޅާއަކީ މިދާއިރާގައި ރާއްޖެއިން ފާހަގަކޮށްލެވޭ ފުންނާބު އުސް ބޭފުޅެކެވެ.
މިސެޝަންގައި ބައިވެރިވުމުގެ ފުރުސަތު ވަނީ ގައުމީ ޔުނިވާސިޓީގެ ހުރިހާ ފެކަލްޓީތަކުގެ ދަރިވަރުންނަށާއި މުއައްޒަފުންނަށް ހުޅުވާލެވިފައެވެ. މިސެޝަނުގައި ވީހާވެސްގިނަ ބޭފުޅުން ބައިވެރިވެދެއްވުމަކީ މެޑިކޯސްގެ ވަރަށް ބޮޑު އެދުމެކެވެ.
”އިންޓަރނޭޝަނަލް ޑޭ އޮފް ސައިން ލޭންގުއޭޖަސް“އަކީ ކޮންމެ އަހަރަކުވެސް ސެޕްޓެމްބަރ މަހުގެ 23 ވަނަ ދުވަހު ފާހަގަކުރެވޭ ދުވަހެކެވެ. މިދުވަހަށް މިއަހަރު ކަނޑައެޅިފައިވާ ޝިޢާރަކީ ސަައިން ލޭންގުއޭޖުގެ ތެރެއިން ގެނެސްދޭ އެކުވެރިކަމަށް ބާރުއެޅުމެވެ. މިއަހަރު މެޑިކޯސް އިން މިދުވަހާ ގުޅިގެން މިއިންތިޒާމުކުރެވޭ ހަރަކާތަކީ މުޅިން އަލަށް ތަޢާރަފްކުރެވޭ ހަރަކާތެކެވެ.
