ނަސްރުގެ ދުވަހުގެ މުނާސަބަތުގައި މެޑިކޯސްއިން އިންތިޒާމުކޮށްގެން ”ނަސްރުގެ ފަސާނާ“ގެ ނަމުގައި ޚާއްސަ ޕެނަލް ޑިސްކަޝަނެއް ކުރިޔަށް ގެންގޮސްފިއެވެ.
މިހަރަކާތް ކުރިޔަށް ގެންދެވިފައިވަނީ ނޮވެމްބަރ 6 ވަނަ ދުވަހުގެރޭ އެފް.އީ އޮޑިޓޯރިއަމްގައެވެ.
މިހަރަކާތުގައި ޕެނަލިސްޓުންގެ ގޮތުގައި ބައިވެރިވެވަޑައިގަންނަވާފައިވަނީ ކުޅިވަރު ނޫސްވެރިކަމާއި ތާރީޚް ދިރާސާކުރެއްވުމުގަައި ފުންނާބު އުސް ބޭފުޅެއް ކަމުގައިވާ އަލްފާޟިލް އިމާދު ލަތީފްއާއި، ނޮވެމްބަރ 3ގެ އުދުވާނީ ހަމަލާގައި އަމަލީގޮތުން ހަރަކާތްތެރިވި އަލްފާޟިލް މުޙައްމަދު ނާޒިމް އަދި އަދަބިއްޔާތުގެ ރޮނގުން ޤައުމީ އިނާމު ހާސިލުކުރައްވާފައިވާ އަލްފާޟިލް މުޙައްމަދު ޝިފާންއެވެ.
ގައުމީ ޔުނިވާސިޓީގެ އެކި ފެކަލްޓީތަކުގެ ދަރިވަރުންނާއި، މާލޭގެ އެކި ސްކޫލްތަކުގެ ދަރިވަރުންނާއި، ގައުމީ ކެޑޭޓް ކޯގެ މެމްބަރުން އަދި ވިލާ ކޮލެޖްގެ ދަރިވަރުންވަނީ މި ހަރަކާތުގައި ބައިވެރިވެފައެވެ.
މިހަރަކާތުގެ ތެރެއިން ނަސްރުގެ ދުވަހާއި ގުޅުންހުރި ގިނަ މައުލޫމާތުތަކެއް ވަނީ ދަރިވަރުންނާއި، ބެލުންތެރިންނަށް ފޯރުކޮށްދެވިފައެވެ. އަދި މިހަރަކާތްވަނީ މެޑިކޯސްގެ ފޭސްބުކް ޕޭޖް މެދުވެރިކޮށް ވަގުތުން ދުރަށް ދައްކާފައެވެ.
މެޑިކޯސްއިންދަނީ ގައުމީ އެކިއެކި މުނާސަބަތުތަކާއި ގުޅިގެން މިފަދަ ޚާއްސަ އިލްމީ ސެޝަންތައް ރާވާ ހިންގަމުންނެވެ. އަދި މިސެޝަންތަކަށް ވަނީ ބޮޑު ތަރުހީބެއް ލިބިފައެވެ.
