މި އަހަރުގެ ބައިނަލްއަޤްވާމީ ނަރުހުންގެ ދުވަސް ފާހަގަކުރުމަށް ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަންގެ ގޮފި ނޭކައިގެ ފަރާތުން އޮބްސްޓެކަލް ރޭހެއް ބާއްވަން ނިންމައިފިއެވެ.
ނަރުހުންގެ ދުވަސް ފާހަގަކުރުމަށް 15 މެއި ވާ ހުކުރު ދުވަހުގެ ހަވީރު 4-6 މި ހަރަކާތް އޮންނާނީ ތިނަދޫ ކެމްޕަހުގައެވެ.
މި އޮބްސްޓެކަލް ރޭސްގައި ތަފާތު އެކި ޓީމް ކުޅިވަރުތައް ކުޅުމަށް ވަނީ ހަމަޖެހިފައެވެ. އެގޮތުން ގޯނި ރޭސް އަދި ރިލޭ ފަދަ ކުޅިވަރުތައް ވަނީ ކުޅުމަށް ހަމަޖެހިފައެވެ.
މި ހަރަކާތުގައި ބައިވެރިވުމުގެ ފުރުސަތު ދިވެހިރާއްޖޭގެ ޤައުމީ ޔުނިވަރސިޓީގެ ތިނަދޫ ކެމްޕަހުގައި ކިޔަވާ ހުރިހާ ދަރިވަރުންނަށް ވަނީ ހުޅުވާލެވިފައެވެ. އަދި ެކޮންމެ ޓީމެއްގައި މަދުވެގެން 6 ބައިވެރިން އަދި ގިނަވެގެން 10 ބައިވެރިންނަށް ބައިވެރިވެވޭނެއެވެ.
މި ހަރަކާތުގައި ކުރިއަށްދާނެ ކުޅިވަރުތަކާއި ބައިވެރިވެވޭނެ ގޮތްތައް އަދި ހަރަކާތުގެ އިތުރު ތަފްސީލްތައް ިއސްވާރުންގެ ގްރޫޕްތަކުގައި ހިއްސާކޮށްފައިވާނެއެވެ
