ތިނަދޫ ސިޓީ ދެވަނަ ފަހަރަށް އާބާދުވުމުގެ 60 ވަނަ އަހަރީ ދުވަހުގެ މުނާސަބަތުގައި ބޭއްވި އާބާދީ 60 ގެ ޙަރަކާތްތަކުގައި ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަންގެ ގޮފި ނޭކައިން ބައިވެރިވެއްޖެއެވެ.
ނޭކައިން ވަނީ މި ޙަރަކާތްތަކުގައި ބައިވެރިވުމުގެ ގޮތުން ވަނީ 20 އޯގަސްޓްގެ ރޭގަނޑު އޮތް ފުޅަނދު ބުރުގައި ބައިވެރިވެ 21 އޯގަސްޓުގެ ރޭގަނޑު އޮތް ސަގާފީ ރޭގައި ސްޓޭޖް ތަމްސީލަކާއެކު ސަގާފީ ނެށުމެއް ހުށަހަޅައިދީފައެވެ.
20 ވަނަ ދުވަހުގެ ރޭގަނޑު އޮތް ފުޅަނދު ބުރުގައި ދިވެހިރާއްޖޭގެ ޤައުމީ ޔުނިވަރސިޓީގެ ތިނަދޫ ކެމްޕަސްގެ ދަސްވެނީން، އިސްވާރުން އަދި ޔުނިވަރސިޓީގެ މުހިންމު ކަންކަން ފާހަގަވާހެން ފުޅަނދު ތައްޔާރުކޮށް ދައްކާފައިވެއެވެ. މީގެ އިތުރުން ސަގާފީ ރޭގެ ސްޓޭޖް ތަމްސީލްގައި ވަނީ ތިނަދޫގައި ކުރިން ކުޅެއުނު ކުޅިވަރުތަކާއި އިހުގައި ކިޔައި އުޅުނު އަންބާތައް އަދި އިހުގެ ދިރިއުޅުން ދައްކުވައިދީފައެވެ.
މި ޙަރަކާތްތަކުގައި ތިނަދޫ ކެމްޕަސްގެ މުވައްޒަފުން އަދި ނޭކައިގެ އިސްވާރުން ވަނީ ގިނަ އަދަދަކަށް ބައިވެރިވެފައެވެ.
