ޑިޕްލޮމާއިން ނާސިންގް 54 އަދި 59 ބެޗްގެ ފަރާތުން ’ސުޓޫޑެންޓް މީލް އެންޑް ފުޑް ސޭފްޓީ‘ ގެ ނަމުގައި އިވެންޓްއެއް ބާއްވައިފިއެވެ.އެމްއެންޔޫ ގެ ހުރިހާ ފެކަލްޓީއަކަށް އަމާޒުކޮށްގެން ބޭއްވި މި އިވެންޓް ކުރިއަށް ގެންގޮސްފައިވަނީ ސުކޫލް އޮފް ނާރސިންގް/ފެކަލްޓީ އޮފް ހެލްތް ސައިންސްގައެވެ.
މި އިވެންޓްގައި ދެ ގުރޫޕްއަކުން މައުލޫއާއި ގުޅޭ ތަފާތުގިނަ ކުޅިވަރު އަދި މައުލޫމާތު ހިއްސާކޮށްފައިވެއެވެ. ފުރަތަމަ ގުރޫޕްއިން މައުލޫމާތު ދީފައިވަނީ ކާތަކެތި ގަންނައިރު ބަލަންޖެހޭ ކަންކަމާއި، އައިސްއަލަމާރީގައި އެކި ބާވަތްތަކުގެ ކާއެއްޗެހި ރައްކާކުރާނެގޮތް، އެކި ބާވަތުގެ ކާތަކެތި ކެއްކުމުގައި ސަމާލުކަންދޭންޖެހޭ ކަންތައް އަދި ބަދިގެ ތެރެ ސާފުކޮށް ބެހެއްޓުމުގައި ސަމާލުކަންދޭންޖެހޭ ކަންކަމަށެވެ.
ދެވަނަ ގުރޫޕްއިން މައުލޫމާތު ދީފައިވަނީ ދަރިވަރުންގެ ކެއުމުގެ އުސޫލް ބައްޓަންވެފައިވާ ގޮތުގެ މައްޗަށެވެ. މި ގޮތުން ދަރިވަރުންގެ ބަރުދަން ރަނގަޅު މިންވަރެއްގައި ހިފަހައްޓާނެ ގޮތާއި، ކެއުމުގައި ތަފާތު ބާވަތުގެ ކާތަކެތި ބޭނުންކުރާނެ މިންވަރާއި އަދި ދަރިވަރުންގެ ކެއުމުގެ އުސޫލް ރަނގަޅުކުރުމަށް ކެއުމުގެ ވަގުތު އަދި ބޭނުންކުރާނެ ތަފާތު ކާނާގެ މައުލޫމާތު ވަނީ ހުށައަޅާފައެވެ.
މި އިވެންޓްގައި ގިނަ އަދަދެއްގެ ދަރިވަރުން އަދި ލެކްޗަރަރސް އިންވަނީ ބައިވެރިވެފައެވެ.
