ނިޔަރެސް(އެމް.އެން.ޔޫ.އެސް.ޔޫ) ގެ ފަރާތުން ހޭންޑް ހައިޖީން ޓީޗިން ސެސަންއެއް ބާއްވައިފިއެވެ. މި ޓީޗިން ސެސަން ބާއްވައިފައިވަނީ 23 ޖުލައި 2019 އަންގާރަ ދުވަހުގެ ހެދުނު 9 ޖަހާއިރުއެވެ. މި ޓީޗިން ސެސަންގައި ބައިވެރިވެފައި ވަނީ މާފަންނު މަދަރުސާގެ އިތުރު ހަރަކާތް ތަކުގައި އުޅެމުންދާ ދަރިވަރުންނަށެވެ. އެގޮތުން މާފަންނު މަދަރުސާގެ އެލް.ކޭ.ޖީ އަދި ޔޫ.ކޭ.ޖީގެ އިތުރު ހަރަކާތް ތަކުގައި އުޅެމުންދާ ދަރިވަރުން ވަނީ މި ސެސަންގައި ބައިވެރިވެފައެވެ.
މި ޓީޗިން ސެސަން ކުރިޔަށް ގެންދިޔައި ހަރަކާތަކައް ބަހައިލައިގެނެވެ. ފުރަތަމަ ހަރަކާތެއްގެ ގޮތުން ހުރިހާކުދިންނަށް ހޭންޑް ހައިޖީންއާ ބެހޭގޮތުން މައުލޫމާތުދެވުނެވެ. ހޭންޑް ހައިޖީން އަކީ ކޮބައިކަން، ހޭންޑް ހައިޖީންގެ މުހިންމުކަން، ހޭންޑް ހައިޖީން އިން ލިބޭފައިދާތައް، ހޭންޑް ހައިޖީން ހިފަފައްޓާނެ ގޮތް(ހޭންޑް ވޮޝް)، ހޭންޑް ހައިޖީން ދެމެހެއްޓުން އެންމެ މުހިންމު ވަގުތުތައް ކިޔައިދެވުނެވެ.
ދެވަނަ ހަރަކާތެއްގެ ގޮތުން ކުދިންނަށް ހޭންޑް ވޮޝް ކުރާގޮތް ދަސްކޮއްދެވުނެވެ. ކުދިންތައް ގުރޫޕްތަކައް ބަހައިލައިގެން ކޮންމެ ގުރޫޕެއްގެ ކުދިންނަށް ހޭންޑް ވޮޝް ކުރާގޮތުގެ ހަރަކާތައް ދަސްކޮއްދެވުނެވެ. އަދި އެކުދިން އަމިއްލަޔަށް ހޭންޑް ވޮޝް ކުރުމަށް ފުރުސަތުދެވުނެވެ.
އެންމެފަހުގެ ހަރަކާތެއްގެ ގޮތުން މިސެސަން ނިންމާލީ ހޭންޑް ވޮޝް ކުރާގޮތް ދައްކައިދޭ ނެށުމަކުންނެވެ. މިސެސަން ނިންމައި ލެވުނީ ވަރަށް ކާމިޔާބީ އާއެކު ކަން ފާހަގަކޮއްލަމެވެ. އަދި މިސެސަން ކުރިޔަށްގެން ދިޔުމަށް އެޙީވެދެއްވި މާފަންނު މަދަރުސާގެ އިތުރު ހަރަކާތް ތަކާއި ހަވާލުވެގެން ތިއްބެވި ބޭފުޅުންނަށާއި އެސް.އެންގެ ވޮލަންޓިއަރސް އަށް ވަރަށް ބޮޑަށް ޝުކުރު އަދާ ކުރަމެވެ.
ލިޔުނީ: ފަތިމަތު އަބޫބަކުރު
މީޑިޔާ ކޯޑިނޭޓަރ، ނިޔަރެސް، އެމް.އެން.ޔޫ.އެސް.ޔޫ
