ބިލަބޮންގ އިންޓަރނޭޝަނަލް ސްކޫލްގައި ގްރޭޑް 1 އަދި 2 ކިޔަވާ ދަރިވަރުންނަށް ނިއަރެސްގެ ފަރާތުން ޞިއްޙީ އާންމު މައުލޫމާތު ދިނުމުގެ ސެޝަނެއް ބާއްވައިފި އެވެ.
ފެބުރުވަރީ 16 ވީ ބުދަ ދުވަހުގެ ހެނދުނު 8:00 ގައި ކުރިޔަށް ގެންދިޔަ މި ސެޝަން ނަގައިދިނުމުގައި ނިއަރެސްގެ ފަރާތުން 4 ދަރިވަރުންވަނީ ބައިވެރިވެފައެވެ. މި ސެޝަންގައި ބިލަބޮންގ ސްކޫލްގެ 50 ށް ވުރެ ގިނަ ދަރިވަރުން ވަނީ ބައިވެރިވެފައެވެ.
މި ސެޝަންގައި ނިއަރެސްގެ ފަރާތުން ވަނީ ކޮވިޑް-19 ން ރައްކާތެރިވުމުގެ ގޮތުން ކުރެވިދާނެ ބައެއް ކަންކަން ކިޔައިދީފައެވެ. މިގޮތުން މާސްކް އަޅާނެގޮތާއި، އަތް ދޮންނާނެގޮތުގެ އިތުރުން 3 ފޫޓު ދުރުމިން ބެހެއްޓިދާނެ ގޮތްތައް ވަނީ ތަފްސީލުކޮށް ކިޔައިދީފައެވެ. ހަމަ އެހެންމެ ހެނދުނުގެ ނާސްތާގެ މުހިއްމުކަމާއި، ހެނދުނުގެ ނާސްތާއަށް ބޭނުންކުރެވިދާނެ ބައެއް ތަކެތި ވަނީ ކިޔައިދީފައެވެ.
ނިއަރެސް އިން އަންނަނީ އަބަދުވެސް މިފަދަ ތަފާތު ސެޝަންތައް ކޮންމެ އަހަރަކުވެސް ބާއްވަމުންނެވެ. މިގޮތުން މީގެ ކުރިން ހިރިޔާ ސްކޫލު ދަރިވަރުންނާއި މާފަންނު މަދަރުސާގެ ދަރިވަރުންނަށް ޞިއްޙީ އެކި މަޢުލޫމާތު ދިނުމުގެ ސެޝަންތައް ކުރިއަށް ގެންގޮސްފައިވެއެވެ.
