މަމެން އިންޓަރ ސްކޫލް 3 ވަނަ ބައިސްކަލް މުބާރާތުގައި ނިއަރެސްގެ ދަރިވަރުން ”ފަސްޓްއެއިޑް“ ދިނުމުގައި ހަރަކާތްތެރި ވެއްޖެއެވެ.
ސެޕްޓެމްބަރ 16 އަދި 17 ދެ ދުވަހު 2 ދަންފަޅިއަކަށް ކުރިޔަށް ގެންދިޔަ މި މުބާރާތުގައި ”ފަސްޓްއެއިޑް“ އެހީ ފޯރުކޮށްދިނުމުގައި، ނިއަރެސްގެ ފަރާތުން 4 ދަރިވަރުން ބައިވެރިވެފައިވެއެވެ. މި މުބާރާތަކީ އެކި ސްކޫލު ތަކަށް ހުޅުވާލައިގެން ކުރިޔަށް ގެންދިޔަ މުބާރާތެކެވެ. މި މުބާރާތުގައި 32 ސްކޫލަކުން 1000 ށްވުރެ ގިނަ ދަރިވަރުން އެކި އުމުރުފުރާތަކުގައި ވާދަކޮށްފައިވެއެވެ.
މި މުބާރާތް އިންތިޒާމުކޮށް ކުރިއަށް ގެންގޮސްފައިވަނީ ”ބައިކް މޯލްޑިވްސް“ގެ ފަރާތުންނެވެ.
މި މުބާރާތުގައި ނިއަރެސްގެ ފަރާތުން ވަނީ ”ސްޓާޓިން ޕޮއިންޓް“ އަދި ”ފިނިޝިން ޕޮއިންޓް“ ގައި ހަރަކާތްތެރި ވެފައެވެ. އަދި ’ފަސްޓްއެއިޑް‘ މަސައްކަތުގައި ހުޅުމާލެ ހޮސްޕިޓަލްގެ މެޑިކަލް ޓީމަށް އެހީތެރިކަން ފޯރުކޮށްދީފައެވެ.
ނިއަރެސް އިން އަންނަނީ އަބަދުވެސް މިފަދަ ތަފާތު މުބާރާތްތަކުގައި ފަސްޓް އެއިޑް ދިނުމުގައި ހަރަކާތްތެރިވަމުންނެވެ. މިގޮތުން ”އެފް.އެސް.އެމް އިޒްހާމް މެމޯރިއަލް ކަޕް“، ”އައިޔޫއެމް.އެސްޔޫ ހޭންޑްބޯލް ފިއެސްޓާ“ އަދި މިނޫނަސް އެމް.އެން.ޔޫ.އެސް.ޔޫ އިން އިންތިޒާމު ކުރާ ތަފާތު އެކި މުބާރާތްތަކުގައި ’ފަސްޓްއެއިޑް‘ ހިދުމަތް ފޯރުކޮށްދެއެވެ.
