2023 ވަނަ އަހަރު ފުރަތަމަ ސެމިސްޓަރގައި އެމް.އެން.ޔޫ ސްކޫލް އޮފް ނަރސިންގއާ އަލަށް ގުޅުނު ދަރިވަރުންނަށް އޮރިއެންޓޭޝަން ޕްރޮގްރާމް ބާއްވައިފިއެވެ.
މި އޮރިއެންޓޭޝަން ބާއްވާފައިވަނީ 14 ފެބްރުވަރީ އިން 16 ފެބްރުވަރީ ގެ ނިޔަލަށެވެ. 14 ފެބްރުވަރީ 2023 ވީ އަންގާރަދުވަހު އޮރިއެންޓޭޝަންގެ ފުރަތަމަ ހަރަކާތް ކުރިއަށްގެންގޮސްފައިވަނީ ސްކޫލް އޮފް ނަރސިންގ ގެ އޮޑިޓޯރިއަމްގައެވެ. މި ސެޝަންގައި ސްކޫލް އޮފް ނަރސިންގ ގެ ޑީން އާސިޔާ އިބްރާހީމް އަދި ސްކޫލް އޮފް ނަރސިންގގެ ހުރިހާ ލެކްޗަރާއިން ވަނީ ބައިވެރިވެފައެވެ. މީގެ އިތުރުން 15 އަދި 16 ފެބްރުވަރީ ގައި ދަރިވަރުންނަށް އަމާޒު ކޮށްގެން ސްކޫލް އޮފް ނަރސިންގގެ ލެކްޗަރާއިންނާ ނިއަރެސްގެ ދަރިވަރުން ގުޅިގެން ތަފާތު ގިނަ ގުނަ ހަރަކާތްތަކެއް ވަނީ ކުރިއަށް ގެންގޮސްފައެވެ. އެގޮތުން މައުލޫމާތު ފޯރުކޮށްދޭ ސެޝަންތަކުގެ އިތުރުން، ލައިބްރަރީ ސެޝަން، ޓީމް ބިލްޑިން އެކްޓިވިޓީސް އަދި ސްޕޯޓްސް މީޓްގެ ނަމުގައި ތަފާތު ހަރަކާތްތައް ވަނީ ކުރިއަށް ގެންގޮސްފައެވެ.
ޖުމްލަ 70 އަށް ވުރެ ގިނަ ދަރިވަރުން ބައިވެރިވި މި ސެޝަންގައި ނިއަރެސް ގެ ފަރާތުން ދަރިވަރުންނާއި ވާހަކަދެއްކީ ނިއަރެސްގެ ރައީސާ އާއިޝަތު އަފުނާން އިޞްހާގް އަދި ނިއަރެސްގެ ސެކްރެޓަރީ ޢާއިޝަތު އަމާނީއެވެ. އަދި ނިއަރެސްގެ ލީޑަރސް ގްރޫޕާ ގުޅެން ބޭނުންވާ ދަރިވަރުންނަށް އެފުރުސަތުވެސް މިހަރަކާތުގެ ތެރެއިންވަނީ ހުޅުވާލާފައެވެ.
