ނިއަރެސްގެ ”ނިއު ލީޑަރސް ޓްރިޕް“ ކާމިޔާބުކަމާއެކު ނިންމާލައިފި!

ނިއަރެސްއިން އިސްނަގައިގެން އެހެން އަހަރުތަކެކޭވެސް އެއްފަދައިން މިއަހަރު ނިއަރެސްއާ ގުޅުނު އައު ލީޑަރުންނަށް ހާއްސަ ކޮށްގެން “ ނިއު ލީޑާރސް ޓްރިޕް“ ގެ ނަމުގައި ވިލިމާލެއަށް ކުރި ޕިކްނިކް ދަތުރު ކާމިޔާބު ކަމާއެކީ ނިންމާލައިފިއެވެ.

މި ދަތުރު ގޮސްފައިވަނީ 24 ފެބްރުއަރީ 2023 ވީ ހުކުރު ދުވަހުގައެވެ. ނިއަރެސްގެ ހިންގާ ކޮމެޓީގެ މެމްބަރުންނާއި ނިއަރެސްގެ ކުރީގެ ބައެއް ލީޑަރުންގެ އިތުރުން 25 އަށް ވުރެ ގިނަ އައު ލީޑަރުންވަނީ މިދަތުރުގައި ބައިވެރި ވެފައެވެ.

މިދަތުރުގެ މައިގަނޑު މަގުސަދަކީ އައު ލީޑަރުންނާއި ހިންގާ ކޮމިޓީ މެންބަރުން އަދި ކުރީގެ ލީޑަރުންނާއި އޮތް ގުޅުން އިތުރަށް ބަދަހިކޮށް މަޖާ މާހައުލެއްގެ ތެރެއިން، ތަފާތު މީހުންނާ ގުޅިގެން މަސައްކަތްކުރާނެ ގޮތްތައް އައު ލީޑަރުންނަށް ދަސްކޮށްދިނުމެވެ.

ދަތުރު ފެށިގެން ދިޔައީ، އެކުވެރި މާހައުލެއްގައި ހުރިހާ ބައިވެރިން ހެނދުނުގެ ނާސްތާ ކުރުމާއެކުއެވެ. އެއަށްފަހު ތަފާތު ވާދަވެރި ގޭމްތައް ވަނީ 2 ޓީމުގެ މެދުގައި ކުޅެވިފައެވެ. ފޯރިގަދަ ކުޅިވަރުތަކަކަށްފަހު ދަތުރު ނިމިގެންދިޔައީ ބައިވެރިންގެ ޝުޢޫރުފާޅުކުރުމާ، ހިޔާލު ފާޅުކުރުމާއެކުއެވެ.

ނިއަރެސްގެ މިއަހަރުގެ ހަރަކާތްތައް 18 ފެބްރުއަރީ 2023 ވީ ދުވަހު ވެލްކަމް ނައިޓް އާއެކު ފެށިގެންދިޔައިރު، 4 މާރޗް 2023 ވާ ހޮނިހިރު ދުވަހު ”ނިއަރެސް ނައިޓް“ ބޭއްވުމަށްވަނީ ހަމަޖެހިފައެވެ.