މިއަހަރުގެ ދުނިޔޭގެ ސިއްހަތު ދުވަސް، މެޑިކޯސް, ނިއަރެސް އަދި ހީލަރސް ގުޅިގެން ކާމިޔާބުކަމާއެކު ވަނީ ނިންމާލާފައެވެ
އެގޮތުން ހީލަރސް އިން އިސްނަގައިގެން ”އެމް.އެން.ޔޫ.އެސް.ޔޫ ހީލާރސް ރަން“ މިއަހަރުވެސް ބާއްވާފައި ވާއިރު އޭގައި ބައިވެރި ވެފައިވާ ހުރިހާ ދަރިވަރުންނަށް ވަނީ ހަނދާނީ ލިޔުން ހަވާލު ކޮއްފައެވެ . ވަނަވަނައައް ދިޔަ ދަރިވަރުންނަށް މެޑަލް އަދި ހަނދާނީ ލިޔުން ވަނީ ހަވާލު ކޮށްފައެވެ .
މިރަންގެ ފަޚުރުވެރި އެއްވަނައަކީ އާސިޔަތް ލީލާ އަހްމަދެވެ. އަދި މިއީ ޑީން އޮފް ސްޓޫޑެންޓްސް ކަން ވަރަށް އުފަލާއެކު ފާހަގަކޮއްލަމެވެ.
މީ ގެ އިތުރުން ދެވަނަކާމިޔާބު ކޮއްފައިވަނީ އާމިނަތް ޝަފާނާ އަލީ ، އަދި ތިން ވަނަ ކާމިޔާބު ކޮއްފައިވަނީ އައިޝަތް ޒާރާ އެވެ.
ހަމަ އެއާއެކު ނިއަރެސްގެ ފަރާތުން އިންތިޒާމްކޮއްގެން ބޭއްވުނު “ބެޓްލް އޮފް ބްރެއިން“ ސުވާލު މުބާރާތް 27 އޭޕްރީލް ވީ ބުރާސްފަތި ދުވަހު ސީ.އޭ އޮޑިޓޯރިއަމްގައިވަނީ ކުރިއަށް ގެންދެވިފައެވެ. މި. މިސުވާލު މުބާރާތުގައި ހިމެނޭނީ މިއަހަރުގެ ސިއްހަތު ދުވަހުގެ ޝިޢާރާ ގުޅޭ ސުވާލުތަކާއި، ސިއްހަތާ ގުޅޭ އާއްމު މައުލޫމާތުގެ ސުވާލުތަކެވެ. މި މުބާރާތް ކުރިއަށްގެންދެވިފައިވަނީ އިންޓަ ފެކަލްޓީ މުބާރާތެއްގެ ގޮތުގައިކަމުން، މުޅި ޖުމްލަ 4 ފެކަލްޓީ އިން ވަނީ ބައިވެރި ވެފައެވެ.
ފެސާ ، ބީއެސްއެސްއޭ، މެޑިކޯސް އަދި ހީލާރސް ބައިވެރިވެފައިވާކަން ފާހަގަ ކޮއްލަމެވެ. މި ކުއިޒް ގެ ފަޚުރުވެރި 1 ވަނަ ހާސިލްކޮއްފައި ވަނީ މެޑިކޯސްގެ ދަރިވަރުންނެވެ.
އަދި ބީއެސްއެސްއޭ ގެ ދަރިވަރުން ވަނީ 2 ވަނަ ހާސިލް ކޮށްފައެވެ.
މީގެ އިތުރުން މެޑިކޯސް އިން އިންތިޒާމު ކޮއްގެން ރަމަަޟާން މަހުގައި ބޭއްވުނު “ ހެލްތީ އިފްތާރް” މުބާރާތުގައި ބައިވެރި ވެފައިވާ ދަރިވަރުންނަށް ހަނދާނީ ލިޔުން ވަނީ ހަވާލު ކުރެވިފައެވެ. އަދިހަމަ އެއާއެކު މުބާރާތުގެ ފަޙުރުވެރި 1 ވަނަ އަށް ވަނީ އިނާމް އަދި ހަދާނީ ލިޔުން ހަވާލު ކުރެވިފައެވެ.
އަދި ހަމައެޔާއެކު، މިދުވަސް ފާހަގަ ކުރުމަށް މެޑިކޯސްއިން އިސްނަގައިގެން ”ހެލް އެންޑް ފަން“ ގެ ނަމުގައި ހެލްތް ސްކްރީނިން ކޭންޕެށް ކުރިޔަށް ގެންގޮަސްފައި ވެއެވެ. މިއީ އާންމުންނަށް ހުޅުވާލައިގެން ކުރިޔަށްގެންދެވުނު ވަރަށް ކާމިޔާބު ހަރަކާތެކެވެ. މި ކޭންޕް ކުރިޔަށްގެންދެވިފައިވަނީ 28 އޭޕްރީޕް 2023 ވީ ހުކުރު ދުވަހު ހަވީރު ސޯޝަލް ސެންޓަރުގައެވެ.މި ކޭންޕްގައި އާންމުންގެ ގިނަ ބަޔަކު ބައިވެރިވެފައިވާއިރު، މި ކޭންޕަށް ޒިޔާރަތް ކުރި ކުޑަކުދިންނަށް ހާއްސަކޮށްގެން ފަން ސްޓޯލް ތަކެއް ނިއަރެސް އަދި ހީލާސް ގުޅިގެންވަނީ ކުރިޔަށް ގެންދެވިފައެވެ.
މިއީ ސިއްހީ ދާއިރާއާ ގުޅުންހުރި 3 ގޮފި ގުޅިގެން ދުނިޔޭގެ ސިއްހަތު ދުވަސް ފާހަގަކުރާ 3 ވަނަ ފަހަރެވެ. އެންމެ ފުރަތަމަ މިފަދަ ގޮތަކަށް މިދުވަސް ފާހަގަ ކޮށްފައިވަނީ 2021 ވަނަ އަހަރުއެވެ.
