ސްކޫލް އޮފް ނާސިން އެމް.އެން.ޔޫ.އެސް.ޔޫގެ ގޮފި، ނިއަރެސްގެ ހިންގާ ކޮމިޓީއިން، އެފެކަލްޓީގެ އެކްޓިންގ ޑީން، މަރިޔަމް ރަޝީދާ (މަންދި މިސް) އާ ބައްދަލުކޮށްފިއެވެ.
މިބައްދަލުވުން ބޭއްވިގެން ގޮސްފައިވަނީ މިދިޔަ އަންގާރަ ދުވަހު، ސްކޫލް އޮފް ނާސިންގެ ޑީންސް މީޓިންގ ރޫމްގައެވެ. މިބައްދަލުވުމުގައި ނިއަރެސްގެ ހިންގާ ކޮމިޓީގެ މެމްބަރުންނާއެކު، މަންދި މިސް ވަނީ ބައިވެރިވެވަޑައިގެންފައެވެ.
އެއްގޮތަށް ވުރެ ގިނަ ގޮތްގޮތުން ޚާއްސަ، މިބައްދަލުވުމުގައި ދަރިވަރުންނާ ގުޅުންހުރި މުހިންމު ކަންތައްތަކާ ގުޅޭ މަޝްވަރާތައް ވަނީ ކުރިޔަށް ގެންދެވިފައެވެ.
މީގެ އިތުރުން އިލްމީ ގޮތުން ދަރިވަރުންނަށް އެހީތެރިވެދީ، ސްޓޫޑެންޓް ސަޕޯޓް އިން ބާއްވަމުން އަންނަ ރިފަރެންސް ސެޝަން، އެގްޒަމިނޭޝަން ރޫލްސް ސެޝަން އަދި އެސައިންމަންޓް ހުށަހެޅުން ފަދަ މަޢުލޫމާތު ދިނުމުގެ ޕްރޮގްރާމްތަކުގައި ދަރިވަރުން ބައިވެރިވުމަށް ހިތްވަރުދިނުމަށް ނިއަރެސް މެމްބަރުންގެ ފަރާތުން އެކްޓިން ޑީން އެދިލައްވާފައިވެއެވެ.
އަދި މި ސެމިސްޓަރ ގައި އެސް.އެންއާ އަލަށް ގުޅުނު ކުދިން ހިމެނޭގޮތަށް ވެލްކަމް ނައިޓެއް ބޭއްވުމަށް ރާވަމުންދާކަމަށް ޑީންއަށް ހުށަހަޅާފައިވެއެވެ. އަދި ކުރިޔަށް އޮތް ފުޓްސަލް މުބާރާތުގައި އެސް.އެން ގެ އަންހެން އަދި ފިރިހެން ޓީމް ތައްޔާރުވަމުން އަންނަކަމާއި އޭގެއިތުރުން ވެސް އެމް.އެން.ޔޫ.އެސް.ޔޫ ގެ އިތުރު މުބާރާތްތައް ހުރިކަމަށް ފާހަގަކޮށްފައިވެއެވެ. ހަމައެއާއެކު ނިއަރެސް އިން ރާވާފައިވާ އެހެނިހެން ޙަރަކާތްތަކުގެ މަޢުލޫމާތު ޑީންއާ ޙިއްސާކޮށްފައިވެއެވެ.
މިބައްދަލުވުމަކީ ދަރިވަރުންނަށް ފައިދާ ހުރި، އުއްމީދީ މަޝްވަރާތަކެއް ކުރެވުނު ބައްދަލުވުމެކެވެ. ނިއަރެސް އިން އެދޭ ކޮންމެ ކަމެއްގައިވެސް އެ ފެކަލްޓީން އަބަދުވެސް ދަނީ އެހީތެރިވެ، އެއްބާރުލުން ދެމުންނެވެ.
