ތިން އަހަރުގެ މެދުކެނޑުމަކަށްފަހު ނިއަރެސް ނައިޓް ކާމިޔާބު ކަމާއެކު ނިންމާލައިފި!

ތިން އަހަރުގެ މަދުކެނޑުމަކަށްފަހު ނިއަރެސްއިން ކުރިއަށް ގެންދާ ”ނިއަރެސް ނައިޓް“ މިއަހަރުގެ އޮކްޓޯބަރ 27 ވީ ހުކުރުދުވަހު ކާމިޔާބު ކަމާއެކު ކުރިއަށް ގެންގޮސްފިއެވެ.

މި ހަރަކާތަށް އެމް.އެން.ޔޫ ގެ އެކި ފެކަލްޓީތަކުން ވަރަށް ހޫނު ތަރުހީބެއް ދީފައިވާކަން ފާހަގަކޮށްލެވެއެވެ. މި އިވެންޓްގައި އެމް.އެން.ޔޫ ދަރިވަރުންގެ އެކި މޮޅެތި ހުނަރުތައް ފެނިފައިވާކަންވެސް ފާހަގަކޮށްލެވެއެވެ. އެގޮތުން މި ޝޯވގައި މުޅި ޖުމްލަ 17 އައިޓަމެއްވަނީ ހުށަހަޅާފައެވެ. އަދި އެހެން އަހަރުތަކާއި ޚިލާފަށް މިފަހަރު ވަނީ ފެކަލްޓީތަކުގެ އިތުރުން އަމިއްލަގޮތުން ބައިވެރިވި ޑާންސް ގްރޫޕެއްގެ (ދަ ޓައިމްސް އެމްވީ) ވަރަށް ހިތްގައިމު އައިޓަމެއްވެސް ހުށަހަޅައިދީފައެވެ.

މި ހަރަކާތުގައި ސްކޫލް އޮފް ނާސިންގެ ލެކްޗަރާއިން ބައިވެރިވުން ވެގެންގޮސްފައިވަނީ މި ހަރަކާތަށް ލިބުނު އިތުރު ފުރިހަމަކަމަކަށެވެ.

މި އަންނަ އަހަރުވެސް ނިއަރެސްއިން ނިއަރެސް ނައިޓް މިއަށްވުރެވެސް ފޯރިގަދަކޮށް ބޭއްވުމަށް ނިންމާފައިވާކަން މިފުރުސަތުގައި ފާހަގަ ކޮށްލަމެވެ.