ސްޓޫޑެންޓްސް އިނީޝިއޭޓިވް އޮފް އާރޓްސް (ސިއާގެ) ރަސްމީ މެސްކޮޓް އަދި ޔުނިވާރސިޓީ ދަރިވަރުންނަށް ޚާއްސަ ކޮށްގެން ފަރުމާކުރެވިފައިވާ ސްޓިކަރ ޕެކް ލޯންޗްކޮށްފިއެވެ.
މެސްކޮޓް އަދި ސްޓިކަރ ޕެކް ވޭތުވެދިޔަ ހަފްތާގައި ލޯންޗްކޮށްފައިވަނީ ސިއާގެ ފޭސްބުކް ޕޭޖް އަދި އިންސްޓަގްރާމް ޕޭޖް މެދުވެރިކޮށެވެ. ”ޔުނިވާރސިޓީ ލައިފް“ ސްޓިކާރ ޕެކް އަކީ ދަރިވަރުންނަށް އަދި ވަކިން ޚާއްސަކޮށް ޔުނިވާރސިޓީ ދަރިވަރުން، ގްރޫޕް ޗެޓްސްގައި ކޮންމެ ދުވަހެއްގައި އާންމުކޮށް އެންމެ ގިނައިން ބޭނުންކުރެވޭފަދަ ސްޓިކާރ ތަކެއް ހިމަނައިގެން ހަދާފައިވާ ސްޓިކާރ ޕެކެކެވެ. މި ޕެކްގައި ޖުމްލަ 15 ސްޓިކާރ ގެ އިތުރުން ސިއާގެ އޮފިޝަލް މެސްކޮޓްވެސް ހިމެނޭނެއެވެ.
ސްޓިކާރތަކާއި އެކު ލޯންޗްކުރެވިގެން ދިޔަ ސިއާގެ އޮފިޝަލް މެސްކޮޓަކީ، ކުރެހުމަކުން މި ވިންގް އަދި ފެކަލްޓީ އޮފް އާރޓްސް ރަމްޒުކޮށްދޭ ފަރުމާއެކެވެ. ރޭވިފައިވާ ގޮތުން މިއަހަރުން ފެށިގެން މި މެސްކޮޓް ސިއާގެ ސޯޝަލް މީޑިއާ ޕޯސްޓް ތަކުގައާއި، އިވެންޓުތައް އަދި ޚާއްސަ ކެމްޕެއިންތަކުގައި ބޭނުންކުރެވިގެން ދާނެއެވެ.
އުއްމީދަކީ މިނެރެވުނު ސްޓިކާރ ޕެކަށް ދަރިވަރުންގެ ފަރާތުން ރަނގަޅު ތަރުހީބެއް ލިބިގެން ދިއުމެވެ.
