މޯލްޑިވްސް ވޮލީބޯލް އެސޯސިއޭޝަން (ވީ.އޭ.އެމް)ގެ ފަރާތުން އިންތިޒާމުކޮށްގެން ބާއްވާ ވީ.އޭ.އެމް އިންޓަރ ކޮލެޖް/ޔުނިވަރސިޓީ ވޮލީ މުބާރާތުގައި ބައިވެރިވާ ދިވެހިރާއްޖޭގެ ޤައުމީ ޔުނިވަރސިޓީ (އެމް.އެން.ޔޫ)ގެ ފިރިހެން އަދި އަންހެން ވޮލީ ޓީމު ހޮވުމަށްޓަކައި ބާއްވާ ފަރިތަކުރުންތައް 14 އަދި 15 ފެބުރުވަރީގައި އޮންނާނެއެވެ.
ފަރިތަކުރުންތައް ކުރިއަށްދާނީ އެމް.އެން.ޔޫގެ އެފް.އީ ޕީ.އީ ހޯލުގައެވެ. 14 އަދި 15 ފެބުރުވަރީވާ ބުރާސްފަތި އަދި ހުކުރުދުވަހުގެ ރޭގަނޑު ފަރިތަކުރުންތައް ބޭއްވުމަށް ހަމަޖެހިފައިވާއިރު، އަންހެން އަދި ފިރިހެން ޓީމުތަކުގެ ފަރިތަކުރުންތަކުގެ ތަފްސީލު ތިރީގައި އެވަނީއެވެ.
އަންހެން ޓީމު: 14 އަދި 15 ފެބުރުވަރީ ދުވަހުގެ ރޭގަނޑު 07.00ން 08.30ށް
ފިރިހެން ޓީމު: 14 އަދި 15 ފެބުރުވަރީ ދުވަހުގެ ރޭގަނޑު 08.30ން 10.00ށް
ވީމާ، ޓީމުގައި ބައިވެރިވުމަށް ޝައުޤުވެރިވާ އެންމެހާ ދަރިވަރުން ކަނޑައެޅިފައިވާ ގަޑިތަކަށް ޙާޟިރުވުމަށް އެދެމެވެ.
ލިޔުނީ:
މުޙައްމަދު ޝާން ޢާމިރު،
މީޑިއާ ކޯޑިނޭޓަރ، އެމް.އެން.ޔޫ.އެސް.ޔޫ
