އެމް.އެން.ޔޫ.އެސް.ޔޫގެ މެގަޒިން އަށް ލިޔުން ހުށަހެޅުމަށް ފުރުޞަތު ހުޅުވާލުން

ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) އިން މުޅީން އަލަށް ނެރެން ފަށަން ހަމަޖެހިފައިވާ މެގަޒިންގެ ފުރަތަމަ ޢަދަދަށް ލިޔުން ހުށަހެޅުމަށް ދިވެހިރާއްޖޭގެ ޤައުމީ ޔުނިވަރސިޓީގެ އެންމެހާ ދަރިވަރުންނަށް ފުރުޞަތު ހުޅުވާލަމެވެ.

ލިޔުމުގެ ވަކި ދިގުމިނެއް ނެތް ނަމަވެސް، ފޮންޓް ސައިޒް 12ގައި، ޑަބަލް ސްޕޭސިންގައި A4 ގަނޑެއްގެ އެއް ގަނޑަށްވުރެ ލިޔުން ކުރުވެގެން ނުވާނެއެވެ.

ލިޔުމަކީ އަމިއްލަ ލިޔުމަކަށް ވާން ވާނެއެވެ. ލިޔުމުގެ ގޮތުގައި ތިރީގައިވާ ބާވަތްތައް ހިމެނިދާނެއެވެ.

• މަޒުމޫނު
• ޅެން
• ކުރު ވާހަކަ

ލިޔުމަކީ ޢިލްމީ ލިޔުމަކަށް ވާންޖެހޭނެއެވެ. އަދި އަމިއްލަ ލިޔުމެއްގެ އިތުރުން މީގެ ކުރިން އެހެން އެއްވެސް ގޮތަކުން ޝާޢިއުކުރެވިފައިވާ ލިޔުމަކަށް ވެގެން ނުވާނެއެވެ. ލިޔުމުގެ ރޮނގުތަކުގެ ތެރޭގައި ދީނީ، ޤައުމީ، ފަލްސަފީ، ސައިންޓިފިކް، ވިޔަފާރި، ޞިއްޙީ، ފަތުރުވެރިކަން، ބަހަވީ، ހިމެނިދާނެއެވެ.

އިނގިރޭސި އަދި ދިވެހި ބަހުންވެސް ލިޔުން ހުށަހެޅިދާނެއެވެ. ކޮންމެ ދަރިވަރަކަށް ގިނަވެގެން ހުށަހެޅޭނީ 3 ލިޔުމެވެ.

ލިޔުން ހުށަހެޅުމުގެ ސުންގަޑިއަކީ 09 އޭޕްރީލް 2019ވަނަ ދުވަހުގެ ހަވީރު 06.00 އެވެ. ލިޔުން ފޮނުވާނީ މައިކްރޮސޮފްޓް ވާރޑްގައި ލިޔުމަށްފަހު، ”ވާރޑް ފައިލް“ގެ ގޮތުގައި media.mnusu@gmail.com އަށެވެ. ލިޔުން ފޮނުވާ މެއިލްގައި ދަރިވަރުގެ ފުރިހަމަ ނަން، ފެކަލްޓީގެ ނަން، ސްޓޫޑެންޓް އައިޑީ، ދާއިމީ އެޑްރެސް އަދި ގުޅޭނެ ފޯން ނަންބަރެއް ހިމަނަންވާނެއެވެ.

ހުށަހެޅޭ ލިޔުންތަކުން ހޮވާލެވޭ ބައެއް ލިޔުން މެގަޒިންގެ ފުރަތަމަ ޢަދަދުގައި ޝާޢިއު ކުރެވޭނެއެވެ.

ލިޔުނީ: މުޙައްމަދު ޝާން ޢާމިރު
މީޑިއާ ކޯޑިނޭޓަރ، އެމް.އެން.ޔޫ.އެސް.ޔޫ