ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަންގެ ފަރާތުން އިންތިޒާމުކޮށްގެން ބޭއްވި ”މެކްސްކޮމް އެމް.އެން.ޔޫ.އެސް.ޔޫ އިންޓަރ ފެކަލްޓީ ވޮލީބޯޅަ މުބާރާތް 2018″ގެ އަންހެން ޑިވިޜަނުގައި އެއްވެސް މެޗަކުން ބަލިނުވެ ”މޯލްޑިވްސް ނޭޝަނަލް ޔުނިވަރސިޓީ ބިޒްނަސް ސްކޫލް“ (އެމް.އެން.ޔޫ.ބީ.އެސް)ގެ ޓީމުން މުބާރާތުގެ ޗެމްޕިއަންކަން ހޯދައިފިއެވެ. އެމް.އެން.ޔޫ.ބީ.އެސްގެ ޓީމު ފައިނަލަށް ދަތުރުކުރީ ފުރަތަމަ ސެމީ ފައިނަލުގައި ފެކަލްޓީ އޮފް އެޑިއުކޭޝަން އާއި ވާދަކޮށް އެ މެޗު ކާމިޔާބުކޮށްގެންނެވެ. އެމް.އެން.ޔޫ.ބީ.އެސް އާއި ފައިނަލުގައި ބައްދަލުކުރީ މުބާރާތުގައި މުޅިން އަލަށް ބައިވެރިވި ”ސްކޫލް އޮފް ނާރސިންގ“ އެވެ. އެ ޓީމު މުބާރާތުގެ ފައިނަލުން ޖާގަ ހޯދީ ދެވަނަ ސެމީ ފައިނަލުގައި ފެކަލްޓީ އޮފް ހެލްތް ސައިންސަސް ބަލިކުރުމަށްފަހު ތިންވަނަ ސެމީގައި ”އެފް.އީ“ ބަލިކޮށްގެންނެވެ.
ފައިނަލު މެޗު އެމް.އެން.ޔޫ.ބީ.އެސް އިން ކާމިޔާބު ކުރީ ސީދާ 3 ސެޓުންނެވެ. މި މެޗުގެ ސެޓުތައް ނިމުނީ 25-21، 25-20 އަދި 25-21ގެ ނަތީޖާތަކަކުންނެވެ. މެޗުގެ އެންމެ މޮޅު ކުޅުންތެރިޔަކަށް ހޮވިފައިވަނީ އެމް.އެން.ޔޫ.ބީ.އެސްގެ ޖާރޒީ ނަންބަރ 17 މަރިޔަމް މިޒްނާއެވެ. ފާހަގަކޮށްލަންޖެހެނީ އެމް.އެން.ޔޫ.ބީ.އެސް އިން މުބާރާތް ނިންމާލީ އެއްވެސް މެޗަކުން ބަލިނުވެ، ސާފު 100 އިންސައްތަ މޮޅާއި އެކު ކަމެވެ.
މުބާރާތުގެ ނިންމުމުގެ ރަސްމިއްޔާތުގައި ދެ ޑިވިޜަނުން މުބާރާތުގައި ބައިވެރިވި ޓީމުތަކަށްވަނީ ބައިވެރިވިކަމުގެ ލިޔުން ޙަވާލުކޮށްދެއްވާފައެވެ. މި ލިޔުން ޙަވާލުކޮށްދެއްވީ ދިރާގުގެ ސޭލްސް އޭޖެންޓް މުހައްމަދު ރިފާޒެވެ.
މުބާރާތުގެ އަންހެން ޑިވިޜަނުގައި ބައިވެރިވި ޓީމުތައް:
- މޯލްޑިވްސް ނޭޝަނަލް ޔުނިވަރސިޓީ ބިޒްނަސް ސްކޫލް (އެމް.އެން.ޔޫ.ބީ.އެސް)
- ސްކޫލް އޮފް ނާރސިންގ (އެސް.އެން)
- ފެކަލްޓީ އޮފް އެޑިއުކޭޝަން (އެފް.އީ)
- ފެކަލްޓީ އޮފް ހެލްތް ސައިންސަސް (އެފް.އެޗް.އެސް)
- ފެކަލްޓީ އޮފް ލޯ އެންޑް އިސްލާމިކް ސްޓަޑީޒް (އެފް.އެލް.އައި.އެސް)
- ސެންޓަރ ފޯ ފައުންޑޭޝަން ސްޓަޑީޒް (ސީ.އެފް.އެސް)
މުބާރާތުގެ އަންހެން ޑިވިޜަނުގެ އެންމެ މޮޅު ކޯޗަކަށް ހޮވިފައިވަނީ އެމް.އެން.ޔޫ.ބީ.އެސްގެ ކޯޗެވެ. މީގެ އިތުރުން މުބާރާތުގައި އެންމެ ރަނގަޅު ތަރުޙީބެއްދިން ސަޕޯޓަރުންގެ ގޮތުގައި ”ބެސްޓް ސަޕޯޓަރސް އެވޯޑް“ ޙާޞިލްކުރީ މުބާރާތުގައި ޓީމު ކުޅުނު ކޮންމެ މެޗެއްގައި އެބައެއްގެ އަޑުން ޕީ.އީ ހޯލު ގުގުމާލި ”އެފް.އެޗް.ޓީ.އެސް“ގެ ސަޕޯޓަރުންނެވެ. މި އެވޯޑުތައް ޙަވާލުކޮށްދެއްވީ އެމް.އެން.ޔޫގެ ޑެޕިއުޓީ ވައިސް ޗާންސެލަރ އަލްފާޟިލާ ޢާއިޝަތު ޝާހީން އެވެ.
ނިންމުމުގެ ރަސްމިއްޔާތުގައި މުބާރާތުގެ ކޮންމެ މެޗެއްގެވެސް އެންމެ މޮޅު ކުޅުންތެރިޔާއަށްވަނީ އެވޯޑު ދެވިފައެވެ. މިގޮތުން އަންހެން ޑިވިޜަނުގެ މެޗުތަކުގެ ”ކުއީން އޮފް ދަ މެޗް“ އަށް އެވޯޑު ޙަވާލު ކޮށްދެއްވީ ވީ.އޭ.އެމްގެ ޖެނެރަލް ސެކްރެޓަރީ އަލްފާޟިލް އަޙްމަދު އަދީލް އެވެ.
އަންހެން ޑިވިޜަނުގެ ”ކުއީން އޮފް ދަ މެޗް“ތައް:
- އެފް.އެލް.އައި.އެސް އަދި އެމް.އެން.ޔޫ.ބީ.އެސް (ގްރޫޕް ސްޓޭޖް) – އެމް.އެން.ޔޫ.ބީ.އެސް ޖާރޒީ ނަންބަރ 5، ޝަމްހާ ރިޔާޒް
- އެފް.އީ އަދި އެސް.އެން (ގްރޫޕް ސްޓޭޖް) – އެފް.އީ ޖާރޒީ ނަންބަރ 9، ތޯހިރާ އަޙްމަދު
- އެފް.އެލް.އައި.އެސް އަދި އެފް.އެޗް.އެސް (ގްރޫޕް ސްޓޭޖް) – އެފް.އެޗް.އެސް ޖާރޒީ ނަންބަރ 15، ފާޠިމަތު އަޒްލީމާ
- އެފް.އީ އަދި ސީ.އެފް.އެސް (ގްރޫޕް ސްޓޭޖް) – އެފް.އީ ޖާރޒީ ނަންބަރ 5، ރުޤިއްޔާ ރިމާނާ
- އެމް.އެން.ޔޫ.ބީ.އެސް އަދި އެފް.އެޗް.އެސް (ގްރޫޕް ސްޓޭޖް) – އެމް.އެން.ޔޫ.ބީ.އެސް ޖާރޒީ ނަންބަރ 17، މަރިޔަމް މިޒްނާ
- އެސް.އެން އަދި ސީ.އެފް.އެސް (ގްރޫޕް ސްޓޭޖް) – އެސް.އެން ޖާރޒީ ނަންބަރ 10، ފަޒްލާ އަބޫބަކުރު
- އެމް.އެން.ޔޫ.ބީ.އެސް އަދި އެފް.އީ (ސެމީ ފައިނަލް 1) – އެމް.އެން.ޔޫ.ބީ.އެސް ޖާރޒީ ނަންބަރ 5، ޝަމްހާ ރިޔާޒް
- އެފް.އެޗް.އެސް އަދި އެސް.އެން (ސެމީ ފައިނަލް 2) – އެސް.އެން ޖާރޒީ ނަންބަރ 5، ފާޠިމަތު މާހިޔާ
- އެސް.އެން އަދި އެފް.އީ (ސެމީ ފައިނަލް 3) – އެސް.އެން ޖާރޒީ ނަންބަރ 10، ފަޒްލާ އަބޫބަކުރު
- އެމް.އެން.ޔޫ.ބީ.އެސް އަދި އެސް.އެން (ފައިނަލް) – އެމް.އެން.ޔޫ.ބީ.އެސް ޖާރޒީ ނަންބަރ 17، މަރިޔަމް މިޒްނާ
މީގެ އިތުރުން މުބާރާތުގެ ކޮންމެ ޑިވިޜަނެއްގައި މުބާރާތުގެ އެންމެ މޮޅު ކުޅުންތެރިޔާ އަދި ގަދަ 6 ކުޅުންތެރިންވަނީ ހޮވާފައެވެ. މިގޮތުން އަންހެން ޑިވިޜަނުގެ ގަދަ 6 ކުޅުންތެރިންނަށް އެވޯޑު ޙަވާލުކޮށްދެއްވީ މެކްސްކޮމް ޓެކްނޮލޮޖީޒް ބިޒްނަސް ޑިވެލޮޕްމެންޓް މެނޭޖަރ ތަރިނާދޫ ޕެރޭރާ އެވެ.
އަންހެން ޑިވިޜަނުގެ ގަދަ 6 ކުޅުންތެރިން:
- އެމް.އެން.ޔޫ.ބީ.އެސް، ޖާރޒީ ނަންބަރ 3، ސިލްމާ ޒާހިރު
- އެފް.އީ، ޖާރޒީ ނަންބަރ 9، ތޯހިރާ އަޙްމަދު
- އެމް.އެން.ޔޫ.ބީ.އެސް ޖާރޒީ ނަންބަރ 5، ޝަމްހާ ރިޔާޒް
- އެފް.އެޗް.އެސް، ޖާރޒީ ނަންބަރ 15، ފާތިމަރު އަޒްލީމާ
- އެސް.އެން، ޖާރޒީ ނަންބަރ 10، ފަޒްލާ އަބޫބަކުރު
- އެސް.އެން ޖާރޒީ ނަންބަރ 5، ފާތިމަތު މާހިޔާ
އަންހެން ޑިވިޜަނުގެ މުޅި މުބާރާތުގެ އެންމެ މޮޅު ކުޅުންތެރިޔާއަށް އެވޯޑު ޙަވާލުކޮށްދެއްވީ ދިރާގުގެ ސޭލްސް އޭޖެންޓް މުހައްމަދު ރިފާޒެވެ.
މުޅި މުބާރާތުގެ އެންމެ މޮޅު ކުޅުންތެރިޔާ (އަންހެން ޑިވިޜަން)
- އެމް.އެން.ޔޫ.ބީ.އެސް، ޖާރޒީ ނަންބަރ 17، މަރިޔަމް މިޒްނާ
މުބާރާތުގެ އަންހެން ޑިވިޜަނުގެ ރަނަރސް އަޕް އަދި ޗެމްޕިއަން ޓީމަށް، ހަނދާނީ ލިޔުން، މެޑަލް އަދި ޓްރޮފީ ޙަވާލުކޮށްދެއްވީ ރަސްމިއްޔާތުގެ ޝަރަފްވެރި މެޙްމާން އެމް.އެން.ޔޫ ޑެޕިއުޓީ ވައިސް ޗާންސެލަރ ޑރ. މުޢާވިޔަތު މުޙައްމަދެވެ.
ރަސްމިއްޔާތުގެ ޝަރަފްވެރި މެޙްމާނަށް އެމް.އެން.ޔޫ.އެސް.ޔޫގެ ފަރާތުން ވަނީ ޚާއްޞަ ފިލައެއްވެސް އަރުވާފައެވެ. މި ފިލާ ޙަވާލުކޮށްދެއްވީ އެމް.އެން.ޔޫ.އެސް.ޔޫގެ ނައިބު ރައީސް (ޢިލްމީ) ޙަސަން ޝާހު އެވެ.
މުބާރާތުގެ ޗެމްޕިއަން ޓީމަށްދެވޭ ޓްރޮފީ 3 އަހަރު ދުވަހަށް ވަނީ ”ފިއުލް އެކްސްޕްރެސް މޯލްޑިވްސް“ އިން ސްޕޮންސަރ ކޮށްފައެވެ.
އަދި މުބާރާތުގައި ދެވުނު އެވޯޑުތައް ސްޕޮންސަރ ކޮށްފައިވަނީ ”ދިރާގު“ގެ ފަރާތުންނެވެ.
އެމް.އެން.ޔޫ.އެސް.ޔޫގެ މީޑިއާ ޕާޓްނަރ ”ސަން މީޑިއާ ގްރޫޕް“އިން ވަނީ މުޅި މުބާރާތް އެއްކޮށް ކަވަރކޮށްދެއްވާފައެވެ.
މުބާރާތުގެ ޓައިޓްލް ސްޕޮންސަރ އަކީ ”މެކްސްކޮމް ޓެކްނޮލޮޖީސް“އެވެ. ކޯ-ސްޕޮންސަރުންނަކީ ”ދިރާގު“ އަދި ”ފިއުލް އެކްސްޕްރެސް މޯލްޑިވްސް“ އެވެ. މީޑިއާ ޕާރޓްނަރަކީ ”ސަން މީޑިއާ ގްރޫޕް“ އެވެ.
