ވޮލީބޯލް އެސޯސިއޭޝަން އޮފް މޯލްޑިވްސް (ވީ.އޭ.އެމް)ގެ ފަރާތުން އިންތިޒާމުކޮށްގެން ބާއްވާ އިންޓަރ ކޮލެޖް/ޔުނިވަރސިޓީ ވޮލީބޯޅަ މުބާރާތުގައި ބައިވެރިވުމަށް އެމް.އެން.ޔޫގެ އަންހެން އަދި ފިރިހެން ޓީމުތައް ހޮވުމަށް ބާއްވާ ފަރިތަކުރުންތައް ފަށައިފިއެވެ.
މި ފަރިތަކުރުންތަކަކީ އެމް.އެން.ޔޫގެ ހުރިހާ ދަރިވަރުންނަށްވެސް ހުޅުވާލައިގެން ބާއްވާ ފަރިތަކުރުންތަކެކެވެ. 15 ފެބުރުވަރީ 2018ވީ ހުކުރުދުވަހުގެރޭ މި ފަރިތަކުރުންތައް ފެށިއިރު، 16 އަދި 17 ފެބުރުވަރީވާ ހޮނިހިރު އަދި އާދީއްތަދުވަހުގެރޭވެސް ފަރިތަކުރުންތައް އޮންނާނެއެވެ.
ފަރިތަކުރުންތަކުގައި އެމް.އެން.ޔޫގެ ކޯހެއްގައި މި ފެށޭ ޓާރމުގައި (ޓާރމް 1 – 2019) އަލަށް ކިޔަވަން ފަށާ ދަރިވަރުންނަށްވެސް ބައިވެރިވުމުގެ ފުރުޞަތު އޮންނާނެއެވެ.
ލިޔުނީ: މުޙައްމަދު ޝާން ޢާމިރު
މީޑިއާ ކޯޑިނޭޓަރ، އެމް.އެން.ޔޫ.އެސް.ޔޫ
