ދިވެހިރާއްޖޭގެ ގައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) އިން ބާއްވާ އެވޯޑް ނައިޓް ބާއްވައިފިއެވެ.
27 ނޮވެމްބަރު 2021 ގައި އެމް.އެން.ޔޫ ސެންޓްރަލްގައި ބޭއްވި އެވޯޑް ނައިޓް ޝަރަފުވެރިކޮށްދެއްވީ ޔުނިވިއަރ ހޯލްޑިންގްސް ޕްރައިވެޓް ލިމިޓެޑުގެ ސީއީއޯ އަޙްމަދު މުޙައްމަދެވެ. މީގެ އިތުރުން އެމް.އެން.ޔޫގެ ވައިސް ޗާންސެލަރ ޑރ. މުޙައްމަދު ޝަރީފްގެ އިތުރުން އެމް.އެން.ޔޫގެ މެނޭޖްމަންޓްގެ އެކި ފަރާތްތަކުން ބައިވެރިވިއެވެ.
އަހަރު ދުވަހުގެ މެދުކެނޑުމަކަށްފަހު އެވޯޑް ނައިޓް ބޭއްވިގެންދިޔައިރު މިއަހަރުގެ އެވޯޑް ނައިޓްގައި އިސްވާރުންގެ އެވޯޑް 148 ދަރިވަރަކަށް ވަނީ ދީފައެވެ.
މީގެ އިތުރުން އެމް.އެންޔޫ.އެސް.ޔޫގެ ތިންވަނައަށް އެންމެ މަތީ ޝަރަފު ކަމަށްވާ މަރްހޫމް އަޙްމަދު މުޙައްމަދުގެ ހަނދާނުގައިދެވޭ އެމް.އެން.ޔޫ ދަރިވަރުންގެ ޔޫނިއަންގެ ދަރުމަވެރިކަމުގެ އިނާމު 24 ފަރާތަކަށް ވަނީ އަރުވާފައެވެ.
މީގެ އިތުރުން ޔޫނިއަންގެ ދެވަނައަށް އެންމެ މަތީ ޝަރަފުކަމަށްވާ މަރްޙޫމް އަޙްމަދު އަބްދުﷲ ނަސީރުގެ ހަނދާނުގައި ދެވޭ ޔޫނިއަންގެ ޝަރަފުވެރިކަމުގެ އިނާމު 8 ފަރާތަކަށް ވަނީ އަރުވާފައެވެ.
ކޮވިޑް-19ގެ ސަބަބުން ނިމިދިޔަ 2020 ވަނަ އަހަރު އެވޯޑް ނައިޓް ބޭއްވޭ ގޮތް ވަނީ ނުވެފައެވެ.
