މި މަހު 11 ން 19ށް ކުރިއަށްދިޔަ އެމް.އެން.ޔޫ.އެސް.ޔޫ އިންޓަރ ފެކަލްޓީ ވޮލީބޯޅަ މުބާރާތުގެ އަންހެން ޑިވިޝަނުގެ އެންމެ މޮޅު ކުޅުންތެރިޔަކަށް ސްކޫލް އޮފް ނާރސިންގެ ފިރުޝާ އަދި ފިރިހެން ޑިވިޝަނުގެ އެންމެ މޮޅު ކުޅުންތެރިޔަކަށް ފެކަލްޓީ އޮފް އިންޖިނިއަރިންގ، ސައިންސް އެންޑް ޓެކްނޮލޮޖީގެ އުމަރު ފާރޫގު ހޮވިއްޖެއެވެ.
އެންމެ މޮޅު ކުޅުންތެރިންނަށް ހޮވުނު 2 ކުޅުންތެރިންނަށް ޓްރޮފީ ހަވާލުކޮށްދީފައިވަނީ މުބާރާތުގެ ނިންމުމުގެ ރަސްމިއްޔާތުގައި އެމް.އެން.ޔޫ ޑީން އޮފް ސްޓޫޑެންޓްސް އާޝިޔާ ލީލާ އަޙްމަދެވެ.
މުބާރާތުގެ ނިންމުމުގެ ރަސްމިއްޔާތުގައި އަންހެން ޑިވިޝަނުގައި މުޅީން އަލަށް ވާދަކޮށްފައިވާތީ ސްކޫލް އޮފް މެޑިސިންއަށާއި ފިރިހެން ޑިވިޝަނުގައި މުޅީން އަލަށް ވާދަކޮށްފައިވާތީ ސެންޓަރ ފޯ މެރިޓައިމް ސްޓަޑީޒްއަށް ވަނީ ހަނދާނީ ފިލައެއް އަރުވާފައެވެ. މި ފިލާ ހަވާލުކޮށްދެއްވާފައިވަނީ އެމް.އެން.ޔޫ.އެސް.ޔޫގެ ނައިބު ރައީސް (އިތުރު ޙަރަކާތް) ސުޢައިދު ޔޫނުސް އެވެ. މީގެ އިތުރުން މުބާރާތުގައި ބައިވެރިވެފައިވާ ޓީމުތަކަށް އެމް.އެން.ޔޫ.އެސް.ޔޫގެ ރައީސް ހުސައިން ޒައިދު ވަނީ ހަނދާނީ ލިޔުން ހަވާލުކޮށްދެއްވާފައެވެ.
އަންހެން ޑިވިޝަންގެ އެންމެ ރަނގަޅު ސަޕޯޓަރުންތިބި ޓީމަކަށް ހޮވިފައިވަނީ ސްކޫލް އޮފް މެޑިސިން ކަމަށްވާއިރު ފިރިހެން ޑިވިޝަނުން ހޮވިފައިވަނީ ސެންޓަރ ފޯ ފައުންޑޭޝަން ސްޓަޑީޒެވެ. މި އިނާމު ހަވާލުކޮށްދެއްވީ ޔޫނިއަންގެ ކުރީގެ ރައީސް ޢަބްދުﷲ ޝަހުނީޒެވެ. އަދި އަންހެން ޑިވިޝަން ޓީމުތަކުގެ ސަޕޯޓަރުންގެ ތެރެއިން އެންމެ މޮޅު ސަޕޯޓަރު ސްކޫލް އޮފް ނާރސިންގެ ފާޠިމަތު ޝައުފާ އަށް އިނާމު ހަވާލުކޮށްދެއްވީ މުބާރާތުގެ ރެފްރީ ޙަސަން މޫސާއެވެ. ފިރިހެން ޑިވިޝަން ޓީމުތަކުގެ ސަޕޯޓަރުންގެ ތެރެއިން އެންމެ މޮޅު ސަޕޯޓަރު ފެކަލްޓީ އޮފް ހޮސްޕިޓާލިޓީ އެންޑް ޓުއަރިޒަމް ސްޓަޑީޒްގެ ޒާޔާ ޙަސަން ޢިމްރާން އަށް އިނާމު ހަވާލުކޮށްދެއްވީ މުބާރާތުގެ ރެފްރީ ޚާލިދު މުޙައްމަދެވެ.
އަންހެން ޑިވިޝަންގެ އެންމެ އުއްމީދީ ކުޅުންތެރިޔަކަށް ހޮވުނު ސެންޓަރ ފޯ ފައުންޑޭޝަން ސްޓަޑީޒްގެ ޖާރޒީ ނަންބަރ 07 ޢާއިޝަތު އަމާނާ އަށާއި ފިރިހެން ޑިވިޝަންގެ އެންމެ އުއްމީދީ ކުޅުންތެރިޔަކަށް ހޮވުނު ސެންޓަރ ފޯ ފައުންޑޭޝަން ސްޓަޑީޒްގެ ޖާރޒީ ނަންބަރ 07 ޙުސައިން އަރީފަށް ޓްރޮފީ ހަވާލުކޮށްދެއްވީ އެމް.ސީ.ޓީ.ސީ.އޯގެ ނައިބު ރައީސް މިދުއާމް ސައުދެވެ.
އަންހެން ޑިވިޝަންގެ އެންމެ މޮޅު 6 ކުޅުންތެރިންނަށް ޓްރޮފީ ހަވާލުކޮށްދެއްވީ ވޮލީބޯލް އެސޯސިއޭޝަން އޮފް ދަ މޯލްޑިވްސްގެ ނަައިބު ރައީސް ޢަލީ އަޝްރަފެވެ.
އަންހެން ޑިވިޝަންގެ އެންމެ މޮޅު 6 ކުޅުންތެރިން:
- ސްކޫލް އޮފް ނާރސިންގެ ޖާރޒީ ނަންބަރ 02 މަރިޔަމް ނިޝާ
- ސެންޓަރ ފޯ ފައުންޑޭޝަން ސްޓަޑީޒްގެ ޖާރޒީ ނަންބަރ 17 މައިހާ ޢަލީ
- ސްކޫލް އޮފް ނާރސިންގެ ޖާރޒީ ނަންބަރ 15 އާމިނަތު ސަމްހާ އަބްދުއްސައްތާރު
- އެމް.އެން.ޔޫ ބިޒްނަސް ސްކޫލްގެ ޖާރޒީ ނަންބަރ 11 ފިރުޝާނާ ނަސީރު
- ފެކަލްޓީ އޮފް ހެލްތު ސައިންސަސްގެ ޖާރޒީ ނަންބަރ 11 ޒިޔާދާ މުޙައްމަދު
- އެމް.އެން.ޔޫ ބިޒްނަސް ސްކޫލްގެ ޖާރޒީ ނަންބަރ 12 އިނާސާ ޢަބްދުއްރަހީމް
ފިރިހެން ޑިވިޝަންގެ އެންމެ މޮޅު 6 ކުޅުންތެރިންނަށް ޓްރޮފީ ހަވާލުކޮށްދެއްވީ ސެންޓްރަލް އޭޝިއަން ޒޯނަލް ވޮލީބޯލް އެސޯސިއޭޝަންގެ ރައީސް މުޙައްމަދު ލަޠީފެވެ.
ފިރިހެން ޑިވިޝަންގެ އެންމެ މޮޅު 6 ކުޅުންތެރިން:
- ފެކަލްޓީ އޮފް ހޮސްޕިޓާލިޓީ އެންޑް ޓުއަރިޒަމް ސްޓަޑީޒްގެ ޖާރޒީ ނަންބަރ 12 ޢަލީ އާރިފް
- ސެންޓަރ ފޯ ފައުންޑޭޝަން ސްޓަޑީޒްގެ ޖާރޒީ ނަންބަރ 04 އަޙްމަދު މުޒްލިފް
- ސެންޓަރ ފޯ ފައުންޑޭޝަން ސްޓަޑީޒްގެ ޖާރޒީ ނަންބަރ 07 ޙުސައިން އަރީފް
- ސެންޓަރ ފޯ ފައުންޑޭޝަން ސްޓަޑީޒްގެ ޖާރޒީ ނަންބަރ 09 ޢަލީ ނާއިފް
- ފެކަލްޓީ އޮފް އިންޖިނިއަރިންގ، ސައިންސް އެންޑް ޓެކްނޮލޮޖީގެ ޖާރޒީ ނަންބަރ 14 މުޙައްމަދު އާދަމް
- ފެކަލްޓީ އޮފް އިންޖިނިއަރިންގ، ސައިންސް އެންޑް ޓެކްނޮލޮޖީގެ ޖާރޒީ ނަންބަރ 11 އިސްމާޢީލް ޒައިން އާދަމް
މުބާރާތުގައި އަބަދުވެސް އަމަލުކުރާ އުސޫލުގެ ދަށުން ގަދަ 6 ހޮވަނީ އެންމެ މޮޅު ކުޅުންތެރިޔާ ނުލައެވެ. އެއީ ގިނަ ކުދިންނަށް ފުރުސަތު ދިނުމުގެ ގޮތުން އަމަލުކުރާ އުސޫލެކެވެ.
އަންހެން ޑިވިޝަންގެ އެންމެ މޮޅު ކޯޗު، ސްކޫލް އޮފް ނާރސިންގެ ކޯޗު ޝުޢައިބު އަޙްމަދަށާއި ފިރިހެން ޑިވިޝަންގެ އެންމެ މޮޅު ކޯޗު، ފެކަލްޓީ އޮފް އިންޖިނިއަރިންގ، ސައިންސް އެންޑް ޓެކްނޮލޮޖީގެ ކޯޗު، ޙަސަން އަޤްލީނަށް ޓްރޮފީ ހަވާލުކޮށްދެއްވީ ޔޫނިއަންގެ ކުރީގެ ރައީސް އަލްއުސްތާޛް ޢަލީ ރަޝީދެވެ.
އަންހެން ޑިވިޝަންގެ ރަނަރއަޕް ޓީމް، އެމް.އެން.ޔޫ ބިޒްނަސް ސްކޫލާއި، ފިރިހެން ޑިވިޝަންގެ ރަނަރއަޕް ޓީމް ސެންޓަރ ފޯ ފައުންޑޭޝަން ސްޓަޑީޒަށް ޓްރޮފީ އާއި މެޑަލް ހަވާލުކޮށްދެއްވީ އެމް.އެން.ޔޫ ޑެޕިއުޓީ ވައިސް ޗާންސެލަރ ޙުސައިން ޙަލީމެވެ. އަދި އަންހެން ޑިވިޝަންގެ ޗެމްޕިއަން ޓީމް، ސްކޫލް އޮފް ނާރސިންގ، އާއި ފިރިހެން ޑިވިޝަންގެ ޗެމްޕިއަން ޓީމް ފެކަލްޓީ އޮފް އިންޖިނިއަރިންގ، ސައިންސް އެންޑް ޓެކްނޮލޮޖީ އަށް ޓްރޮފީ އާއި މެޑަލް ހަވާލުކޮށްދެއްވީ އެމް.އެން.ޔޫ ވައިސް ޗާންސެލަރ ޑރ. މުހައްމަދު ޝަރީފެވެ.
އެމް.އެން.ޔޫ.އެސް.ޔޫ އިންޓަރ ފެކަލްޓީ ވޮލީބޯޅަ މުބާރާތަކީ 2015 ވަނަ އަހަރުން ފެށިގެން ސިލްސިލާގޮތެއްގައި މެދުކެނޑުމެއްނެތި ކޮންމެ އަހަރަކު ބާއްވަމުން އަންނަ މުބާރާތެކެވެ. މިއަހަރު މި ބޭއްވީ މިފަދަ 8 ވަނަ މުބާރާތެވެ. މިއަހަރުގެ މުބާރާތުގެ ސްޕޮންސަރުންގެ ތެރޭގައި އީސްޓޭޓް ކޮންސްޓްރަކްޝަން ސޮލިއުޝަންސް، އެންޒީ، އޭވް އަދި އޮއޭސެސް ހިމެނެއެވެ. މުބާރާތުގެ ޕްރިންޓިންގ ޕާޓްނަރ އަކީ ކުލަ މޯލްޑިވްސް އެވެ. އަދި އޮންލައިން މީޑިއާ ޕާޓްނަރ އަކީ ސަން މީޑިއާ ގްރޫޕެވެ.
