އެފް.އެޗް.ޓީ.އެސް ގެ ފިރިހެން ޓީމްގެ ކެޕްޓަން އަކީ މި ފެކަލްޓީގެ ދަރިވަރު މުހައްމަދް ޔަޝާރު އެވެ. ޔަޝާރް އަކީ ފާއިތުވެދިޔަ 4 އަހަރުވެސް، މި ފެކަލްޓީ ތަމްސީލު ކޮށްފައިވާ ދަރިވަރެކެވެ.
އއ.ރަސްދޫ އަށް ނިސްބަތްވާ މި ކުޅުންތެރިޔާ ފެކަލްޓީ އޮފް ހޮސްޕިޓާލިޓީ އެންޑް ޓޫރިޒަމް ސްޓަޑީޒް އާ ގުޅިފައިވަނީ 2016 ވަނަ އަހަރުގެ މެއި/ޖޫން އިންޓޭކް އަށެވެ. ކިޔަވަމުން ދަނީ ޑިޕްލޮމާ އިން ޓޫރިޒަމް މެނޭޖްމެންޓް އެވެ. ފެކަލްޓީއާ ގުޅުން އިރުއްސުރެން ފެށިގެން ޔަޝާރު އަންނަނީ އެފް.އެޗް.ޓީ.އެސް ގެ ޓީމް އަށް ކުޅެމުންނެވެ. އަދި އޭގެ އިތުރުން 2017 ވަނަ އަހަރު އެންމެ މޮޅު 5 ކުޅުންތެރިންގެ ތެރޭގައި ހިމެނިފައެވެ.
ޓީމްގެ ކެޕްޓަން ޔަޝާރު އާ ކުރެވުނު އިންޓަވިއު އެއްގައި، ކެޕްޓަންގެ ހައިސިއްޔަތުން ޓީމާ ދޭތެރޭ ދެކޭ ގޮތަކީ ކޮބައިތޯ ޔަޝާރާއި ކުރެވުނު ސުވާލުގެ ޖަވާބުގައި ބުނެފައިވަނީ، ”ހުރިހާ ކުޅުންތެރިންގެ ފަރާތުންވެސް އުންމީދު ކުރަނީ ވަރަށް ރަނގަޅު ކުޅުމެއް ދެއްކުން ކަމަށާއި އަދި، ފައިނަލާ ހަމަޔަށް ވާސިލްވުން އެއީ އަމާޒުކަމަށެވެ.“
އުއްމީދަކީ ޔަޝާރުގެ ހުނަރުވެރި ތަޖްރިބާގެ އަލީގައި ޓީމަށް ރަނގަޅު ކާމިޔާބެއް ލިބުމެވެ.
ލިޔުނީ: އާއިޝަތު ޝަމްލާ
މީޑިއާ ކޯޑިނޭޓަރ، ޝެޓްސް
