އެމް.ޑަބްލިޔު.އެސް.ސީ އެމް.އެން.ޔޫ.އެސް.ޔޫ ފުޓްސަލް ފިއެސްޓާ 2019 ގެ ކުއާޓަރ ފައިނަލުން ޖާގައެއް ބޭނުން ނަމަ މޮޅުވުން މަޖުބޫރު މެޗަކަށް މިދިޔަ އަހަރުގެ ސެމީ ފައިނަލުގައި ކުޅެފައިވާ ވިލާ ކޮލެޖް އާ ދެކޮޅަށް އެފް.އޭގެ ޓީމް އަންނަ ބުރާސްފަތިދުވަހު ނިކުންނަ އިރު ޓީމް އޮތީ މި މެޗަށް ވަރަށް ރަނގަޅަށް ތައްޔާރު ވެފައިކަމަށް އެ ޓީމުގެ ކެޕްޓަން މައީޝާ ބުނެފިއެވެ.
މި މުބާރާތުގައި ފުރަތަަމަ ކުޅުނު މެޗުން އެފް.އީ އަތުން ބަލިވީ 2-0 ގެ ނަތީޖާއަކުންނެވެ. އަދި ވިލާ ކޮލެޖް ވަނީ އެ މީހުން ކުޅުން ފުރަތަަމަ މެޗުން 4-1 ގެ ނަތީޖާއަކުން އެފް.އީ ގެ މައްޗަށް ކުރިހޯދާފައެވެ. އެހެންކަމުން ކަމުން މި މެޗުން އެފް.އޭ ގެ ޓީމު ކުއާޓަރ އަށް ދާން ބޭނުންނަމަ 2-0 ނުވަތަ 3-0 ނަތީޖާއަކުން މި މެޗް ކާމިޔާބު ކުރަން ޖެހޭނެއެވެ. މިއީ މި ލީޑުން އެފް.އޭ ގެ ޓީމު ކޮންމެހެންވެސް މޮޅުވުން މަޖުބޫރު މެޗެކެވެ.
”އަހަރުމެން ރަނގަޅު ކުރަންޖެހޭ ކަންތައްތައް އެބަހުރި، އެހެން ނަމަވެސް މެޗް މޮޅުވާން ބޭނުންނަމަ ވިސްނަން ޖެހޭނީ ޕޮޒިޓިވް ކޮށް އިރާދަކުރެއްވިޔާ ވަރަށް ފުރިހަމައަށް ތައްޔާރު ވެގެން މި މެޗަށް ނިކުންނާނީ.“ ކެޕްޓަން މައީޝާ ބުންޏެވެ.
އެމް.އެން.ޔޫ.އެސް.ޔޫ ފުޓްސަލް ފިއެސްޓާގައި އަންހެން ޑިވިޜަން ބާއްވަން ފެށީ މިދިޔަ އަހަރުއެވެ. އެ މުބާރާތުގެ ޗެމްޕިއަންކަން ހޯދާފައިވަނީ ކްލިކް ކޮލެޖުންނެވެ.
